Staða útgerð­ar­innar í Grímsey verður styrkt, sam­göngur í eyj­una verða bættar og lækkun hús­hit­un­ar­kostn­aðar verður könn­uð, allt í þeim til­gangi að styðja við byggð­ina í Gríms­ey. Þetta sam­þykkti rík­is­stjórnin á fundi sínum í morgun að til­lögu Sig­mundar Dav­íðs Gunn­laugs­sonar for­sæt­is­ráð­herra. Sig­mundur segir í til­kynn­ingu um málið að það sé áríð­andi að bregð­ast við þeirri erf­iðu stöðu sem uppi hafi verið í Grímsey und­an­farin ár. 

„Heima­menn ótt­ast að ef ekk­ert verði að gert legg­ist útgerð í Grímsey af og jafn­vel búseta í fram­haldi af því,“ segir hann. Sig­mundur segir sér­stöðu eyj­unnar vera óum­deilda, og að með þessum aðgerðum verði hægt að styðja við áfram­hald­andi búsetu þar. 

Rík­is­stjórnin skip­aði sér­stakan vinnu­hóp til þess að skoða stöðu eyj­ar­innar í ágúst síð­ast­liðn­um. Vinnu­hóp­ur­inn átti að vinna í sam­vinnu við aðgerða­hóp sem Akur­eyr­ar­bær hafði áður sett á lagg­irn­ar. Vinnu­hópur rík­is­stjórn­ar­innar var skip­aður full­trúum frá sjáv­ar­út­vegs- og land­bún­að­ar­ráð­herra vegna teng­ingar við byggða­mál og sjáv­ar­út­veg, frá inn­an­rík­is­ráð­herra vegna sam­göngu­mála, frá iðn­að­ar- og við­skipta­ráð­herra vegna raf­orku- og hita­veitu­mála og frá for­sæt­is­ráðu­neyti, en for­sæt­is­ráðu­neytið leiddi vinn­una.

Vinnu­hóp­ur­inn heim­sótti meðal ann­ars Grímsey í októ­ber síð­ast­liðnum og kynnti drög að til­lögum fyrir íbúum þar. Hóp­ur­inn telur að byggðin muni eiga undir högg að sækja ef stjórn­völd grípi ekki inn í. Kjarn­inn hefur óskað eftir því að fá til­lögur vinnu­hóps­ins.