Hag­fræði­deild Lands­bank­ans hefur upp­fært verð­mat sitt á Hög­um, sem rekur meðal ann­ars versl­anir undir merkjum Bón­uss, í kjöl­far síð­asta upp­gjörs félags­ins, og metur það töl­ur­vert yfir mark­aðsvirði dags­ins. Mælt er með því að fjár­festar kaupa bréf í félag­inu.

Virði Haga er metið á 49,2 kr. á hlut, sam­kvæmt verð­mat­inu, sem er hækkun frá síð­asta verð­mati bank­ans og 11,4 pró­sent hærra en dagsloka­gengi félags­ins í gær. Gengi bréfa Haga hefur hækkað um 3,17 pró­sent í dag, meira en hjá öðrum félög­um, en heild­ar­velta við­skipta með bréfin var um 402 millj­ónir króna í dag, sam­kvæmt vef Keld­unnar.

Verja fram­legð

Í verð­mati hag­fræði­deildar Lands­bank­ans, sem Kjarn­inn hefur undir hönd­um, kemur fram að stjórn­endum Haga hafi tek­ist að verja fram­legð og hagnað á rekstr­ar­ár­inu, þrátt fyrir að launa- og rekstr­ar­kostn­aður hafi hækkað nokk­uð. Fyrstu tölur úr rekstr­inum virð­ist gefa til kynna að áhrifin verði ekki mikil á rekstur félags­ins. Helstu áhættu­þættir séu sem fyrr tengdir verð­bólgu, gengi krón­unnar og sam­keppni.

Í verð­mat­inu segir að Hagar séu mark­aðs­ráð­andi fyr­ir­tæki og ekki lík­legt að mark­aðs­hlut­deild fyr­ir­tæk­is­ins geti auk­ist mik­ið. „Það er við­búið að vöxtur Haga fari að miklu leyti eftir verð­bólgu­þróun og hag­vexti, til lengri og skemmri tíma. Verð­bólgu­horfur eru lágar fram á mitt næsta ár, en þá gerir spá Hag­fræði­deildar ráð fyrir að hún auk­ist og verði 4,7 pró­sent árið 2017 og 3,9 pró­sent árið 2018. Fyr­ir­hug­aðar tolla­breyt­ingar munu einnig hafa áhrif á tekju­vöxt Haga, en afnám tolla á föt munu taka gildi um ára­mót­in. Þrátt fyrir litla verð­bólgu árið 2016 og tolla­breyt­ingar er gert ráð fyrir góðum hag­vexti og tölu­verðri aukn­ingu í einka­neyslu, sem vegur á móti og styður við tekju­vöxt 2016. Allar vís­bend­ingar um neyslu vísa uppá við og mun það styðja við tekju­vöxt Haga,“ segir í verð­mat­inu.

Hag­ræð­ing og aukin neysla í kort­unum

Kjara­samn­ing­arnir sem sam­þykktir voru í vor höfðu 6,3 pró­sent aukn­ingu í launa­kostn­aði félags­ins í för með sér á öðrum árs­fjórð­ungi. Að auki jókst ann­ar rekstr­ar­kostn­aður um 3,4 pró­sent milli ára á öðrum árs­fjórð­ungi, að því er segir í verð­mat­in­u. 

Ljóst sé að launa­kostn­aður muni halda áfram að hækka á næsta ári og telja grein­endur að félagið muni leita leiða til að hag­ræða í rekstri til þess að mæta auknum kostn­aði. Félagið áætlar að ná fram sparn­aði með því að fækka leigu­fer­metrum sín­um, sér­stak­lega með lokun versl­ana á Korpu­torgi og minnkun versl­un­ar­innar í Smára­lind, eins og fram hefur kom­ið.

„Á móti kemur að félagið mun opna nýjar versl­anir í Kefla­vík, Vest­manna­eyjum og í Skip­holti. Þá mun nýtt vöru­hús Ban­ana verða tekið í notkun árið 2016. Kostn­aður við bygg­ing­una er um 1,5 millj­arður króna og mun þungi fjár­fest­ing­ar­inn­ar lenda yfir­stand­andi rekstr­ar­ári. Aukin hag­kvæmni í fast­eignum félags­ins styður afkomu félags­ins fram á við,“ segir í verð­mat­inu.

Sam­keppni við Costco

Sér­stak­lega er vikið að því að sam­keppni verði alltaf áhættu­þáttur fyr­ir­tækja á mat­vöru­mark­aði, og þar bein­ast spjótin ekki síst að Hög­um. Þrátt fyrir fyr­ir­hug­aða opnun Costco í Garðabæ þá virð­ast grein­endur ekki meta mik­il áhrif vegna þessa í verð­mat Haga „enda sam­keppni alltaf við­var­andi áhættu­þáttur hjá mark­aðs­ráð­andi fyr­ir­tæki“ eins og segir í verð­mat­in­u. 

Búist er við því að EBITDA rekstr­ar­hagn­aður rekstr­ar­árs­ins verði 5,5 millj­arðar króna og í heild 1,4 pró­sent lægri en á síð­asta rekstr­ar­ári. „EBITDA fram­legðin var 7,3 pró­sent árið  ́14/15 og við gerum ráð fyrir að hún verði 7,1 pró­sent á þessu ári og síðan sjö pró­sent þar eft­ir. Hag­ræð­ing­ar­að­gerðir næstu ára munu hafa mikið að segja og miklar breyt­ingar í gengi krónu munu eftir sem áður hafa áhrif á tekju­vöxt­inn,“ segir í verð­mat­inu.