Þing­fundur mun hefj­ast á Alþingi nú klukkan þrjú sam­kvæmt áætlun og fer þá fram óund­ir­bú­inn fyr­ir­spurna­tími. Hins vegar hefur verið tekin ákvörðun um það að fresta atkvæða­greiðslu um fjár­auka­lög­in, sem var á dag­skrá að loknum fyr­ir­spurna­tím­an­um, fram til morg­uns. Þetta er gert vegna yfir­vof­andi fár­viðris svo tryggt sé að þing­menn og starfs­menn Alþingis geti verið komnir heim áður en óveðrið skellur á. 

Óvissu­stig er á land­inu öllu vegna óveð­urs­ins, en rík­is­lög­reglu­stjóri lýsti því yfir klukkan eitt í dag. Óvissu­stig ein­kenn­ist af atburða­rás sem ætla má að geti leitt til þess að öryggi fólks og/eða byggðar sé stefnt í hætt­u. 

For­eldrar hafa verið beðnir um að sækja börn sín í skóla og frí­stunda­starf fyrir klukkan 16 til að tryggja að þau séu heima þegar veðrið skellur á. Íþrótta­æf­ingar hafa verið látnar falla nið­ur, allar sund­laugar í Reykja­vík munu loka klukkan 16:30 og menn­ing­ar­stofn­unum sömu­leið­is. Borgin hefur einnig til­kynnt um röskun á ferða­þjón­ustu fatl­aðra og akst­urs­þjón­ustu aldr­aðra. Dregið hefur verið úr allri heima­hjúkrun og félags­legri heims­þjón­ustu og ein­ungis bráða­til­vikum sinnt. Mat­ar­þjón­usta getur raskast á morg­un. 

Vega­gerðin hefur ákveðið að loka mjög mörgum vega­köflum víða um land­ið. Sjá má lista yfir lok­anir Vega­gerð­ar­innar hér. Póst- og fjar­skipta­stofnun mælist til þess að fólk hafi síma og snjall­tæki hlaðin ef til raf­magns­leysis kemur í óveðr­inu. Hér má lesa lista yfir lok­anir víð­ar, en fjöl­mörgum fyr­ir­tækjum verður lokað nú síð­deg­is.