„Ég hef ekki gert það end­an­lega upp við mig hvort hér hafi ríkt eitt­hvað það ástand sem hafi sýnt ein­hvers konar brot gagn­vart neyt­end­um eða ein­hverja okur­á­lagn­ingu. Ég spyr mig hvort slík ofur­á­lagn­ing ­geti verið til­fellið ef félögin skila engum rekstr­ar­hagn­að­i. ­Maður hlýtur að spyrja sig að því,“ sagði Bjarni Bene­dikts­son fjár­mála­ráð­herra á þingi í dag, þegar hann var spurður að því hvort hann væri sam­mála mati Sam­keppn­is­eft­ir­lits­ins á því að olíu­fé­lögin hafi haft ofur­á­lagn­ingu á bens­íni hér á land­i. 

Helgi Hjörvar, þing­maður Sam­fylk­ing­ar­inn­ar, spurði Bjarna um nýút­komna skýrslu Sam­keppn­is­eft­ir­lits­ins um olíu­mark­að­inn í óund­ir­búnum fyr­ir­spurn­ar­tíma í dag. Helgi tal­aði um skýrsl­una sem enn einn áfell­is­dóm­inn yfir olíu­fé­lög­unum og fram­göngu þeirra á bens­ín­sölu­mark­aði. Hann sagð­ist vilja spyrja ráð­herra sam­keppn­is­mála hvort hann taki undir það að á þessum mark­aði „hafi verið óvið­un­andi ástand um langt ára­bil með óhóf­legum kostn­aði fyrir bíl­eig­endur í land­in­u.“ 

Bjarni var stjórn­ar­for­maður í olíu­fé­lag­inu N1, á árunum 2005 til 2008, en skýrsla Sam­keppn­is­eft­ir­lits­ins tók meðal ann­ars til þess­ara ára. 

Bjarni sagði að það hefði eng­inn efast um það að fákeppni ríkti á olíu­mark­aði á Íslandi eins og á svo mörgum öðrum mörk­uð­um. „En það þýðir ekki að það geti ekki ríkt hörð sam­keppni á milli fákeppn­is­að­il­anna.“ Þá væru félögin ólík í eðli starf­semi og hvað varðar rekstr­ar­af­gang. 

Helgi spurði Bjarna einnig um það hvort honum þyki koma til greina að taka upp opin­bera verð­stýr­ingu á þessum mark­aði. Því hafn­aði Bjarni og sagð­ist telja opin­bera verð­lagn­ingu afleita. „Hversu lengi eigum við að una því að millj­arðar séu teknir af heim­il­unum á hverju ári í óhóf­legt okur á bens­íni án þess að haf­ast nokkuð að hér í þing­in­u?“ spurði Helgi Bjarna þá. 

„Ef ætti að fara út í ein­hverja opin­bera verð­lagn­ingu hér þá ­þyrftum við að fara í sam­eig­in­leg inn­kaup til lands­ins sýnist mér, eða hvernig eiga menn að sitja uppi með eitt sam­eig­in­leg­t op­in­bert verð sem hafa ólíkan inn­kaupa­kostn­að. Það er mörg­um ­spurn­ingum ósvarað þegar þessu er slengt fram,“ svar­aði Bjarni. Hann sagð­ist jafn­framt fagna útgáfu skýrsl­unnar og sagð­ist endi­lega vilja taka umræð­una um þessi mál með „mark­viss­ari og mál­efna­legri hætti“ en í fyr­ir­spurn­ar­tíma þings­ins.