Hjúkr­un­ar­fræð­ing­ur­inn Ásta Kristín Andr­és­dóttir var í morgun sýknuð af ákæru um mann­dráp af gáleysi. Hér­aðs­dómur Reykja­víkur sýkn­aði bæði hana og Land­spít­al­ann. RÚV greinir frá þessu. 

Málið er án for­dæma, og þetta var í fyrsta skipti sem spít­al­inn og starfs­maður hans eru ákærðir á grund­velli hegn­ing­ar­laga, eftir að sjúk­lingur lést á gjör­gæslu. Fjöl­skylda sjúk­lings­ins hafði lýst því yfir að hún væri mót­fallin því að hjúkr­un­ar­fræð­ingur væri gerður ábyrgur fyrir and­láti hans. 

Sam­kvæmt ákærunni á hendur Ástu og spít­al­anum „láð­ist að tæma loft úr kraga (belg) bark­arauf­ar­rennu (bark­arauf­ar­túbu) þeg­ar hún tók Y úr önd­un­ar­vél og setti tal­ventil á bark­arauf­ar­renn­una. Ákærðu var vel kunn­ug­t um að henni bar að tæma loftið úr krag­an­um, líkt og vinnu­lýs­ing um notkun tal­ventils­ins kveður á um.“ Afleið­ingar hafi verið þær að sjúk­ling­ur­inn gat ein­ungis andað að sér loft­i en ekki frá sér, fall varð á súr­efn­is­mettun og blóð­þrýst­ingi og hann lést skömmu síð­ar.

Páll Matth­í­as­son, for­stjóri Land­spít­al­ans, hefur sagt að mála­til­bún­aður sak­sókn­ara sé skað­leg­ur. Það hafi verið mjög þung­bært að sjá sam­starfs­konu dregna fyrir dóm. „Þessi mála­til­bún­aður ákæru­valds­ins gagn­vart ein­stak­lingi, þegar ljóst er að ekki er um ásetn­ings­brot að ræða, er bein­línis skað­legur enda skapar hann óvissu um störf og starfs­um­hverfi íslenskra heil­brigð­is­starfs­manna.“