Líf­eyr­is­skuld­bind­ingar rík­is­sjóðs vegna nýgerðra kjara­samn­inga eru tugum millj­arða króna hærri en áætl­anir gerðu ráð fyr­ir. Brúttó­tala líf­eyr­is­skuld­bind­inga eftir að gert hefur verið ráð fyrir launa­hækk­unum sem samið hefur verið um á þessu ári er t.d. van­metin um 20-30 millj­arða króna. Þetta kemur fram í Morg­un­blað­inu í dag.

Þar segir einnig að útgjöld til almanna­trygg­inga verð­i tæp­lega 100 millj­arðar króna á næsta ári, en þau hafa aldrei verið hærri í sög­unni að raun­virði. Þá var greint frá því í gær að Vig­dís Hauks­dótt­ir, ­for­maður fjár­laga­nefnd­ar, hefði lagt fram breyt­ing­ar­til­lögu við breyt­ing­ar­til­lög­u fjár­laga­nefndar um fjár­lög árs­ins 2016 þar sem farið er fram á 1,2 millj­arða króna við­bót­ar­heim­ild til að mæta áhrifum af launa­hækkun kenn­ara á árinu 2015. Láð­ist að gera ráð fyrir þess­ari hækkun í upp­runa­legu breyt­ing­ar­til­lög­u fjár­laga­nefnd­ar.

Þor­steinn Víglunds­son, fram­kvæmda­stjóri Sam­taka atvinnu­lífs­ins, ­segir við Morg­un­blaðið að búið sé að leggja slíkar byrðar á rekstur rík­is­sjóðs að ríkið verði að bregð­ast við með veru­legri hag­ræð­ingu. Á þessum stað í hag­sveifl­unni ætti ríkið að vera með góðan afgang af rekstri sínum en með sama á­fram­haldi verði ríkið komið í umtals­verðan halla­rekstur þeg­ar hag­vaxt­ar­skeið­inu lýk­ur.