Fram­sókn­ar­flokk­ur­inn eykur mark­tækt við sig fylgi frá því í októ­ber, sam­kvæmt nýrri könnun frá MMR. Fram­sókn­ar­flokk­ur­inn mælist með 12,9 pró­senta fylgi nú sam­an­borið við 10,8% í síð­ustu könn­un. Fylgi Sjálf­stæð­is­flokks­ins mæld­ist 22,9%, en var 23,7% í síð­ustu könn­un. Stuðn­ingur við rík­is­stjórn­ina mælist nú 35,6%, en í síð­ustu könnun var fylgið 33,1% og þar á und­an, í lok sept­em­ber, mæld­ist það 31,4%. 

Píratar halda áfram að vera langstærsti flokkur lands­ins, níunda mán­uð­inn í röð. Píratar eru með 35,5% fylgi í könn­un­inni, sem er ívið meira en í síð­ustu könn­un, þegar 34,2% sögð­ust styðja Pírata.  

Sam­fylk­ingin mælist nú með 9,4% fylgi í könn­un­inni, en í síð­ustu könnun mæld­ist fylgið 10,5%. Vinstri-græn mæl­ast með sama fylgi og Sam­fylk­ing­in, 9,4%, en í síð­ustu könnun var VG með 9,9%. Björt fram­tíð mælist með sama fylgi og síð­ast, 4,6%. 

Í könn­unum MMR eru vik­mörk allt að 3,1 pró­sent, sem þýðir að raun­veru­legt fylgi flokk­anna er lík­lega ein­hvers staðar á bil­inu 3,1 pró­sentum lægra til 3,1 pró­sentum hærra en nið­ur­staða könn­un­ar­innar gefur til kynna.