Össur Skarp­héð­ins­son, þing­maður og fyrr­ver­andi ráð­herra Sam­fylk­ing­ar­inn­ar, leggur til að hol­lenska fang­anum Ang­elo Uijleman verði sleppt og hann sendur strax til mömmu sinnar í Hollandi. „Eru ekki jól?“ segir Össur á Face­book síðu sinn­i. 

Ang­elo er í við­tali við Frétta­blaðið í dag. Honum var sleppt úr gæslu­varð­haldi rétt fyrir jól eftir tólf vikna vist í fang­elsi. Hann var hand­tek­inn í sept­em­ber ásamt tveimur Íslend­ingum og einum Hol­lend­ingi og er grun­aður um aðild að umfangs­miklu fíkni­efna­smygli. Hann býr við and­lega fötlun og móðir hans hefur sagt að hann skilji ekki aðstæður og sé ein­fald­ur. Hann var vistaður í ein­angrun á Litla-Hrauni í átta vikur og var svo í nokkrar vikur á Kvía­bryggju. 

Í Frétta­blað­inu í dag segir hann að honum hafi verið boðin vinna og sagt að hann ætti að fara í ferða­lag. Hann segir frá vist sinni í fang­elsum lands­ins og ber Kvía­bryggju og föng­unum þar mjög vel sög­una. Hann hafi alltaf búið með mömmu sinni og sé vanur að verja jól­unum með henni. „Ég sakna hennar en hún á ekki pen­ing til að koma strax“ segir Ang­elo meðal ann­ar­s. 

„Ang­elo er ein­föld og sér­lega jákvæð sál, sem fíkni­efnafantar buðu í ókeypis ferð til Íslands – og létu flytja dóp og krist­al­tært að hann hafði enga hug­mynd um það. Hann er búinn að vera á Kvía­bryggju, Litla-Hrauni, og er núna á Hjálp­ræð­is­hern­um. Hann ber öllum vel sög­una, sér­stak­lega lögg­unni og banka­mönnum á Kvía­bryggju sem kenndu honum á þvotta­vél og spil­uðu við hann. Honum fannst reyndar Kvía­bryggja dásam­legur staður því þar var svo góður matur og gott fólk,“ skrifar Össur á Face­book. 

„Í þorska­stríð­unum sýndu Íslend­ingar inn í hjarta sitt og slepptu land­helg­is­brjót­unum úr fang­elsi rétt fyrir jólin og sendu þá heim til fjöl­skyldna sinna í Bret­landi. - Af hverju hleypum við ekki Ang­elo strax heim til mömmu sinnar í Holland­i?“