For­svars­menn Net­flix til­kynntu í dag að opnað hafi verið fyrir þjón­ust­una í 130 löndum til við­bótar við það sem var og er Ísland á meðal þeirra. 

Sam­kvæmt vef­síðu Net­flix munu áskrift­ar­leið­irnar kosta frá átta evrum mán­ar­lega til tólf evra, eftir því hvaða þjón­ustu­leið er val­in. Þetta gera á bil­inu 1.000 til 1.700 íslenskar krón­ur. 

Net­flix hefur verið beðið hér með nokk­urri eft­ir­vænt­ingu, en í febr­úar síð­ast­liðnum samdi Sam­film við Net­flix um þjón­ustu hér á landi og var þá til­kynnt að opnað yrði fyrir streymið hingað síð­sum­ars það sama ár. Ekk­ert varð þó af því. 

En Íslend­ingar hafa ekki látið ógreini­leg landa­mæri stöðvað sig hingað til eftir þjón­ustu Net­fl­ix. Hæg­lega hefur verið hægt að að kaupa áskrift með ákveðnum króka­leiðum og í októ­ber í fyrra voru 18,4 pró­sent íslenskra heim­ila áskrif­endur að Net­flix, þrátt fyrir að þjón­ustan hafi ekki form­lega verið í boði hér á land­i. 

Net­flix er streymi­þjón­usta þar sem hægt er að nálg­ast mikið magn kvik­mynda, sjón­varps­þátta, barna­efn­is, heim­ild­ar­mynda og ann­ars áhorf­an­legs efn­is.