Með­limir í Anonymous gerðu árás á vef­síður stjórn­ar­ráðs­ins í dag og tókst að loka heima­síðum allra ráðu­neyta um stund. Enn eru trufl­anir á síð­un­um. For­sæt­is­ráðu­neytið hefur stað­fest við Kjarn­ann að árás var gerð og á Twitter kemur fram að árásin var hluti af svo­kall­aði #OpWhales her­ferð, sem með­limir í Anonymous standa á bak við. Her­ferðin gengur út á að mót­mæla hval­veiðum Íslend­inga. 

Árásin er sams­konar og tvær tölvu­árásir sem gerðar voru í nóv­em­ber. Í annarri þeirra var vef­síðum fimm ráðu­neyta lokað og í hinni var ráð­ist á vef­síðu for­sæt­is­ráðu­neyt­is­ins, Sím­ans og Morg­un­blaðsins, meðal ann­ar­s. 

Á Twitt­er-­reikn­ingnum fyrir aðgerð­ina er í dag mikið fjallað um Ísland og hval­veið­ar. Þar má meðal ann­ars sjá mynd af Krist­jáni Lofts­syni, eig­anda Hvals ehf., og hann sagður and­lit skammar­innar á Íslandi. Þá eru birtar upp­lýs­ingar um fyr­ir­tækið Hval og fólk er hvatt til að senda því lín­u. 

Fyrsta atlagan hjá Anonymous olli miklum töfum á net­þjón­ustu og þjón­ustu­að­ilar til­kynntu við­skipta­vinum sínum um þær. Á meðal þeirra síðna sem með­limir tengdir Anonymous hreyktu sér af á Twitter að hafa náð að loka tíma­bundið fyrir erlendri umferð voru síða for­sæt­is­ráðu­neyt­is­ins, Mbl.is, Sím­ans, Menn.is, Iceland.is og Visit­iceland.­is. Í annað skiptið var aðeins ráð­ist að fimm vef­síðum stjórn­ar­ráðs­ins. Þá sendu stjórn­völd frá sér yfir­lýs­ingu til að taka fram að engin gögn hafi verið í hættu. Vef­irnir voru lok­aðir fyrir umferð og heim­sóknum þar til ljóst var að ástandið var komið aftur í eðli­legt horf.