Guðni Ágústs­son, fyrr­ver­andi land­bún­að­ar­ráð­herra Fram­sókn­ar­flokks­ins, seg­ist alls ekki vera að íhuga að bjóða sig fram til for­seta í næstu kosn­ing­um. DV greindi frá því í morgun að hópur manna tengdum Fram­sókn­ar­flokknum hafi tekið sig saman og sé að kanna lands­lagið fyrir fram­boði Guðn­a. 

Guðni seg­ist í sam­tali við Kjarn­ann aldrei hafa mátað sig við for­seta­emb­ætt­ið. 

„Ég las þetta bara í fjöl­miðlum í morg­un," segir Guðni, sem nú er staddur á Kana­í­eyj­um. „Ég hef aldrei látið mér detta í hug að bjóða mig fram til for­seta. Það er alls ekki á dag­skrá." 

Guðni segir að nú sé þjóðin að hugsa og á Bessa­staði verði að koma ein­hver sem geti fylgt í fót­spor Ólafs Ragn­ars Gríms­son­ar, maður eða kona. 

„Það kemur jafn­vel ein­hver sem gæti náð hreinum meiri­hluta. Það ger­ist eitt­hvað mikið í febr­úar eða mars, það er ég viss um," segir hann. „Ég vil fá ein­hvern góðan og öfl­ugan for­seta sem verður ein­hvers konar blanda af Ólafi, Vig­dísi, Krist­jáni Eld­járn og Ásgeiri. Öllu þessu góða fólki. Ekki veitir af, því Íslend­ingar þurfa sterkt sam­ein­ing­ar­tákn sem róar þjóð­ina."