Don­ald Trump hefur aðeins fjög­urra pró­senta for­skot á helstu keppi­nauta sína í bar­átt­unni um útnefn­ingu Repúblikana­flokks­ins til for­seta Banda­ríkj­anna, sam­kvæmt nýrri skoð­ana­könn­un. Þetta er fyrsta skoð­ana­könn­unin sem gerð var á lands­vísu eftir kjör­fund­inn í Iowa á mánu­dag. Það er Public Policy Poll­ing sem gerði könn­un­ina, en í síð­ustu könnun þeirra vik­una fyrir jól mæld­ist Trump með 34% fylg­i. 

Trump er nú með 25% stuðn­ing sam­kvæmt könn­un­inni, á meðan bæði Ted Cruz og Marco Rubio mæl­ast með 21% stuðn­ing. Cruz var í efsta sæt­inu á kjör­fund­inum í Iowa en Don­ald Trump rétt hafði betur en Rubio. 

Af öðrum fram­bjóð­endum mælist Ben Car­son best, með 11% fylgi, á meðan Jeb Bush, John Kasich og Rand Paul voru með fimm pró­sent, Chris Christie og Carly Fior­ina með þrjú pró­sent hvort og Jim Gilmore með eitt pró­sent. Rick Santorum fékk 0,0 pró­sent í könn­un­inni, þar sem eng­inn aðspurðra valdi hann. Santorum er nú búinn að draga sig út úr bar­átt­unni, rétt eins og Rand Paul. 

Sam­kvæmt könn­un­inni hafa vin­sældir Trump meðal kjós­enda minnkað veru­lega á meðan Rubio virð­ist vera maður augna­bliks­ins. Hann hefur farið úr 13% í 21 pró­sent á meðan Cruz er með nokkuð stöðugt fylgi jafn­vel þótt hann hafi borið sigur úr býtum í Iowa. 

Hjá demókrötum færir Bernie Sand­ers sig ofar á kostnað Hill­ary Clint­on, en Clinton er engu að síður með mikið for­skot, 53% gegn 32% Sand­er­s.