Reykja­nes­bær hefur náð sam­komu­lagi við einn stærsta kröfu­hafa sveit­ar­fé­lags­ins, Eign­ar­halds­fé­lagið Fast­eign ehf. Fram kemur í til­kynn­ingu frá Reykja­nesbæ að við­ræður við félagið hafi skilað árangri og í kjöl­farið muni vinna við fjár­hags­lega end­ur­skipu­lagn­ingu Reykja­nes­bæjar og stofn­ana þess halda áfram.

Rætt verður við aðra kröfu­hafa á grund­velli við­ræðna við kröfu­hafa Eign­ar­halds­fé­lags­ins Fast­eignar og kapp verður lagt á að ljúka þeim eins fljótt og auðið er. 

Fram kom í til­kynn­ingu frá Reykja­nesbæ í gær að veittur hafi verið frestur út dag­inn í dag, 5. febr­ú­ar, til stærsta kröfu­hafa Reykja­nes­bæj­ar, kröfu­höf­um Eign­ar­halds­fé­lags­ins Fast­eignar ehf., Glitni HoldCo ehf. f.h. Rík­is­sjóðs Íslands, Lands­bank­anum hf. og Íslands­banka hf. til þess að bregð­ast við til­lögu Reykja­nes­bæjar um afmörkun á skulda­vanda sveit­ar­fé­lags­ins. Við­ræður við kröfu­hafa Eign­ar­halds­fé­lags­ins Fast­eignar ehf. hafa staðið yfir frá því í mars­mán­uði 2015 þegar til­kynnt var að Reykja­nes­bær hefði hafið við­ræður um fjár­hags­lega end­ur­skipu­lagn­ingu bæj­ar­ins. 

Haft er eftir Kjart­ani Má Kjart­ans­syni bæj­ar­stjóra í til­kynn­ing­unni að við­ræðum hafi miðað í rétta átt og ekki verði leitað eftir því að svo komnu máli að Reykja­nesbæ verði skipuð fjár­hags­stjórn. 

Reykja­nes­bær, er eitt skuld­settasta sveit­ar­fé­lag lands­ins. Skuldir þess voru tæp­lega 41 millj­arður króna í lok árs 2014. Skuld­irnar eru rúm­lega 250 pró­sent af reglu­legum tekjum sveit­ar­fé­lags­ins en sam­kvæmt sveit­ar­stjórn­ar­lögum sem tóku gildi árið 2012 þá er leyfi­legt skulda­hlut­fall að hámarki 150 pró­sent. Skulda­staða Reykja­nes­bæjar er því bein­línis í and­stöðu við lög.