Dóm­ara­fé­lag Íslands hefur ákveðið að leggja fram form­lega kvörtun við siða­nefnd Blaða­manna­fé­lags Íslands og fjöl­miðla­nefnd vegna fyr­ir­sagnar sem birt­ist í Frétta­blað­inu síð­ast­lið­inn föstu­dag. Fyr­ir­sögnin var: „Laun hækk­uð­u um 38% í fyrra“.

Í frétt­inni kom fram að laun dóm­ara hefðu hækkað um 18 ­pró­sent vegna ákvörð­unar kjara­ráðs viku fyrir jól en eft­ir­laun dóm­ara og maka­líf­eyrir þeirra hefði hækkað um 26 pró­sent. Þar sagði síð­an: „Lífeyrir dóm­ara á eft­ir­manns­reglu hækk­uðu um 9,3 ­pró­sent sam­kvæmt úrskurði kjara­ráðs frá 17. nóv­em­ber 2015. Úrskurð­ur­inn frá 17. des­em­ber hafði í för með sér rúm­lega 26 pró­sent hækkun sem fyrr grein­ir. ­Sam­tals var hækk­unin rúm­lega 38 pró­sent vegna þess­ara tveggja úrskurða."

Í árétt­ingu sem birt­ist í Frétta­blað­inu í gær sagði að ár­réttað skyldi að fréttin hefði fjallað um að eft­ir­laun dóm­ara hefðu hækkað um 38 pró­sent í fyrra. Það hefði komið fram í umræddri frétt. Í net­út­gáfu frétt­ar­innar er fyr­ir­sögn önnur en sú sem birt­ist í prentút­gáfu Frétta­blaðs­ins.

Dóm­ara­fé­lag Íslands­ telur árétt­ing­una algjör­lega ófull­nægj­andi og að frum­kvæði Skúla Magn­ús­son­ar, ­for­manns félags­ins, hefur það ákveðið að leggja fram form­lega kvörtun við ­siða­nefnd Blaða­manna­fé­lags­ins og fjöl­miðla­nefnd vegna máls­ins.

Skúli skrif­aði grein um málið sem birt­ist á Vísi.is á föstu­dag. Þar segir hann að sú full­yrð­ing sem haldið sé fram í fyr­ir­sögn Frétta­blaðs­ins sé í besta falli hálf­sann­leik­ur. Laun dóm­ara hefðu ekki hækk­að um 38 pró­sent á árinu 2015 heldur hafi það verið grunn­laun dóm­ara sem hækk­uð­u um þá pró­sentu. „Með úrskurði kjara­ráðs 17. des­em­ber sl. hækk­uðu heild­ar­laun ­dóm­ara um 8% og kom sú hækkun til við­bótar almennri 9,3% hækkun þeirra sem heyra undir kjara­ráð[...]Fréttin í Frétta­blað­inu í dag er í fjórða sinn frá 31. jan­úar sl. sem blaðið gerir launa­mál dóm­ara að umtals­efni og lætur að því liggja að þeir hafi fengið meiri hækk­anir launa en stenst skoð­un. Við vinnslu um­ræddra frétta hefur aldrei verið leitað við­bragða Dóm­ara­fé­lags Íslands eða ann­arra sem gætu varpað ljósi á málið frá sjón­ar­hóli dóm­ara. Þessi vinn­brögð Frétta­blaðs­ins valda von­brigð­um.“ segir í grein Skúla.