Tveir þing­menn köll­uðu eftir því á Alþingi í dag að yfir­menn í Lands­bank­anum segi af sér vegna Borg­un­ar­máls­ins. Bjarkey Olsen Gunn­ars­dótt­ir, þing­maður VG, sagði að „að mínu viti eiga bæði stjórn og banka­stjóri að víkja“ og Þor­steinn Sæmunds­son, þing­maður Fram­sókn­ar­flokks­ins, sagði að taka yrði þannig til hend­inni að „yf­ir­stjórn bank­ans vík­i.“ 

Árni Páll Árna­son, for­maður Sam­fylk­ing­ar­inn­ar, ræddi einnig um málið og sagði það verða flókn­ara og flókn­ara með hverjum deg­inum sem líði og stjórn­endur Lands­bank­ans hafi orðið marg­saga í mál­inu. „Fjár­mála­kerfið í heild þarf að fá yfir­haln­ing­u,“ sagði hann, nú væri tæki­færi til að raða spil­unum upp á nýtt og stokka upp banka­kerf­ið. 

„Dag eftir dag er okkur boðið upp á farsa. Farsa í boði Lands­bank­ans og ­Borg­un­ar. Það er ekki boð­legt hvernig þessir aðilar hegða sér­ og koma hér fram,“ sagði Bjarkey um málið í dag. „Það má vel vera að þessi ­gjörn­ingur sé lög­leg­ur, en hann er algjör­lega sið­laus.“ Hún sagði málið snú­ast um traust og trú­verð­ug­leika banka, sem ríkið væri komið með í fangið og hún hefði áhyggjur af. 

Þor­steinn sagði málið einnig snú­ast um traust og trú­verð­ug­leika bank­ans, og væri þannig farið að snú­ast um allt annað og miklu meira en sölu bank­ans á hlut sínum í Borg­un, „sem var nógu slæm.“ Nú væru Borgun og Lands­bank­inn farin að kenna hvoru öðru um. Það hafi mátt vera ljóst jafn­vel áður en bank­inn seldi hlut sinn í Borgun að til stæði að Visa Inc. keypti Visa Europe, það hafi komið fram í fjöl­miðlum og í árs­hluta­upp­gjöri hjá Visa Inc. „Nú bera menn af sér og segj­ast ekki hafa vitað þetta. Eins og ég hef sagt hér áður er fávísi ekki sak­næm en hún er rán­dýr.“ 

Bæði Árni Páll og Þor­steinn köll­uðu jafn­farmt eftir því að Alþingi taki málið til athug­un­ar. „Það er gríð­ar­lega mik­il­vægt að öllum steinum verði velt við,“ sagði Árni Pál­l.