„Af­koma árs­ins var góð í krefj­andi umhverf­i,“ segir Hörður Arn­ar­son, for­stjóri Lands­virkj­un­ar, um afkomu fyr­ir­tæk­is­ins í fyrra. Í frétta­til­kynn­ingu frá fyr­ir­tæk­inu segir að hagn­aður fyrir óinn­leysta fjár­magnsliði hafi verið 16,7 millj­arðar króna en að teknu til­liti til þeirra nam hann 10,8 millj­örðum króna (84 millj­ónum Banda­ríkja­dala). Um var að ræða metár í raf­orku­sölu hjá fyr­ir­tæk­inu, en seldar voru 13,9 tera­vatt­stund­ir.

Tekjur minnk­uðu um 17 millj­ónir Banda­ríkja­dala milli ára, og spilar lækkun á álverði þar inn í. Heild­ar­tekjur sam­stæðu Lands­virkj­unar námu 421,5 millj­ónum Banda­ríkja­dala, eða sem nemur rúm­lega 54 millj­örðum króna. Árið 2014 námu tekj­urnar rúm­lega 438 millj­ónum Banda­ríkja­dala, eða rúm­lega 56 millj­örðum króna.

Rekstr­ar­hagn­að­ar­hlut­fall (EBITDA hlut­fall) hækk­aði á milli ára, þótt álverð hafi farið lækk­andi að und­an­förnu og „mikil óvissa hafi ríkt á mörk­uð­u­m“, að því er segir í frétta­til­kynn­ing­u. 

Hörður segir að fyr­ir­tækið vinni, innan þess svig­rúms sem það hef­ur, að því að svara þess­ari auk­inni eft­ir­spurn eftir orku. Nú standa yfir fram­kvæmdir við bygg­ingu jarð­varma­virkj­unar á Þeista­reykjum og nú á vor­mán­uðum munu hefj­ast fram­kvæmdir við stækkun Búr­fells­virkj­un­ar.



Eigið fé Lands­virkj­unar í árs­lok 2015 nam 1.916,6 millj­ónum Banda­ríkja­dala, eða lið­lega 255 millj­örðum króna, en eigið fé var 1.704,7 millj­ónir Banda­ríkja­dala í árs­lok 2014 sam­kvæmt efna­hags­reikn­ingi, og leggur stjórn félags­ins til að hagn­aður árs­ins verði færður til hækk­unar á eigin fé, að því er segir í skýrslu stjórnar í árs­reikn­ingi. 



Heild­ar­skuldir fyr­ir­tæk­is­ins námu tæp­lega tveimur millj­örðum Banda­ríkjdala í árs­lok, eða sem nemur 254 millj­örðum króna. Frá árinu 2009 hafa skuldir lækkað um 107 millj­arða króna.

Stjórn­ ­fé­lags­ins mun á aðal­fundi gera til­lögu um arð­greiðslu til eig­enda, en vísar að öðru leyti til skýr­inga í árs­reikn­ingn­um og eig­in­fjár­yf­ir­lits varð­andi breyt­ingar á eig­in­fjár­reikn­ing­um. 

Ríkið er eig­andi Lands­virkj­un­ar, og sé miðað við eigið fé er það nú stærsta fyr­ir­tæki í eigu rík­is­ins. Lands­bank­inn er með svipað eigið fé, um 250 millj­arða króna miðað við síð­asta birta upp­gjör.



Hand­bært fé í árs­lok nam 142,1 milljón Banda­ríkja­dala, eða um 20 millj­örðum króna, og óádregin lán 360,8 millj­ónum Banda­ríkja­döl­um, eða rétt um 45 millj­örðum króna. Lausafé og óádregin lán í árs­lok ­námu því 503,0 millj­ón­um, eða um 65 millj­örðum króna. 

Lands­virkjun tók lán upp á 108,5 millj­ónir Banda­ríkja­dala á árinu og greiddi fyr­ir­tækið niður skuldir um 333 millj­ónir Banda­ríkja­dala, eða sem nemur 43 millj­örðum króna.