Hvernig notum við sjón­varp eftir tíu ár? 

Nýr þáttur hóf göngu sína í hlað­varpi Kjarn­ans í vik­unni, sem þýðir að nú er hlað­varp á dag­skrá Kjarn­ans á hverjum degi vik­unn­ar. Þátt­ur­inn heitir Mark­aðsvarpið og er í umsjón Bjarka Pét­urs­sonar og Trausta Har­alds­son­ar. Í fyrsta þætt­inum fengu þeir Pálma Guð­munds­son, for­stöðu­mann ljós­vaka­miðla hjá Sím­an­um, til að lýsa fram­tíð­ar­sýn sinni á notkun sjón­varp, ungu kyn­slóð­inni, sam­keppn­inni og mörgu fleiru. 

Smokkar og íþrótta­kenn­ar­ar 

Útvarp Ísa­fjörður fór sem fyrr um víðan völl á lands­byggð­inni í þætti vik­unnar. Búvöru­samn­ing­ar, Vest­manna­eyjar og mar­hnútar í viftum komu við sögu, en einnig var mikið rætt um Laug­ar­vatn. Bæði var fjallað um færslu íþrótta­kenn­ara­náms­ins þaðan til Reykja­víkur og svo dúkk­uðu upp fréttir um smokka­sjálf­sala á Laug­ar­vatn­i. 

Hvers vegna eru sin­fón­íu­hljóm­sveitir reknar af ríkjum Evr­ópu? 

Birgir Þór Harð­ar­son hefur und­an­farið sökkt sér í heim sin­fón­ía, og í Þukli vik­unnar ræddi hann við Árna Heimi Ing­ólfs­son, list­rænan ráð­gjafa Sin­fón­íu­hljóm­sveitar Íslands, um hljóm­sveit­ir, tón­list og sin­fón­í­ur. 

Raun­hag­kerf­ið 

Árni og Grétar fengu Dan­íel Rún­ars­son í heim­sókn í Hismið að þessu sinni. Þeir fóru yfir strætó­bíl­stjóra sem eiga undir högg að sækja, vinnu­deil­una hjá Rio Tinto þar sem grjót­harðir hafn­ar­verka­menn deila við stjórn­end­ur, og um þá stór­frétt að ÍNN sé til sölu. Dan­íel er einnig á heima­velli þegar kemur að síð­asta vígi raun­hag­kerf­is­ins á höf­uð­borg­ar­svæð­inu - Höfð­un­um. 

Allir í for­seta­fram­boð

Í Kvik­unni þessa vik­una var rætt um það hvort þriðji hver maður íhugi for­seta­fram­boð á Íslandi. Þá ræddu þær Þór­unn Elísa­bet og Sunna Val­gerð­ar­dóttir um millj­arða hagnað bank­anna og háar bón­us­greiðsl­ur, afar­kosti sem Píratar eru farnir að setja, ógagn­sæið í búvöru­samn­ingum og þá merki­legu stað­reynd að það lítur út fyrir að hval­veiðum verði hætt á Ísland­i. 

Face­book-takk­inn er ömur­leg­ur 

Stóri­dómur var kveð­inn upp í mál nýj­ustu breyt­ing­anna á Face­book í Tækni­varp­inu þessa vik­una, og nið­ur­staðan var sú að nýi like-takk­inn er ömur­leg­ur. Gunn­laugur Reynir ræddi við Guð­mund Jóhanns­son hjá Sím­anum og Hjalta Harð­ar­son fram­kvæmda­stjóra Kjarn­ans, um Face­book, hin ýmsu tæki og mein­tan dauða línu­legs sjón­varps.