Myndir árs­ins er árleg sýn­ing Blaða­ljós­mynd­ara­fé­lags­ Ís­lands. Á sýn­ing­unni í ár eru 83 myndir frá liðnu ári sem valdar voru af ó­háðri dóm­nefnd úr 904 inn­sendum myndum íslenskra blaða­ljós­mynd­ara. Mynd­unum er ­skipt í 7 flokka sem eru frétta­mynd­ir, dag­legt líf mynd­ir, íþrótta­mynd­ir, por­trett­mynd­ir, umhverf­is­mynd­ir, tíma­rita­myndir og myndrað­ir. Í hverjum flokki ­valdi dóm­nefndin bestu mynd­ina / bestu myndröð­ina og ein mynd úr fyrr­nefnd­um ­flokkum var svo valin sem mynd árs­ins.

Dóm­nefnd­ar­störf fóru fram 22. - 23. jan­úar síð­ast­lið­inn en í ár skip­uðu dóm­nefnd­ina þau Hilmar Þór Guð­munds­son, Sissa, Íris Dögg Ein­ars­dótt­ir, Auð­unn Níels­son, Torfi Agn­ars­son, Karl Pet­ers­son og Jan Grarup sem jafn­framt var for­maður dóm­nefnd­ar.

Eyþór Árna­son, sjálf­stætt starf­andi ljós­mynd­ari, átti mynd árs­ins.

Krist­inn Magn­ús­son átti frétta­mynd árs­ins. Hún sýndi fjölskyldu frá Alban­íu, með lang­veikt barn, var vísað úr landi í rétt fyrir jól. Hófst mikil sam­fé­lags­leg pressa um að fá þau aftur sem end­aði með því að þau fengu íslenskan rík­is­borg­ara­rétt

Heiða Helga­dóttir fékk verð­laun fyrir mynd árs­ins í flokknum Dag­legt líf. 

Egg­ert Jóhann­es­son fékk verð­laun fyrir bestu íþrótta­mynd­ina. Stjörnu­konur fagna íslands­meist­aratitl­inum í hóp­fim­leikum á heima­velli sínum í Ásgarði, á þeirri mynd.

Krist­inn Magn­ús­son fékk svo verð­laun fyrir bestu portrait mynd­ina, af Sigga Sig­ur­jóns, leik­ara. 

Har­aldur Þór Stef­áns­son fékk verð­laun fyrir bestu umhverf­is­mynd árs­ins, sem prýðir þessa frétt sem burð­ar­mynd. Myndin sýn­ir Skaft­ár­hlaup 2015, sem var eitt það mesta í sög­unni en þessi mynd sýnir kraft­inn sem var við Eld­vatns­brúna skammt frá Ytri Ásum.

Frá dóm­nefnd, var þessi rök­stuðn­ing­ur: „Myndin sýnir mikla drama­tík og kraft nátt­úr­unn­ar. Per­sónan á mynd­inni gefur áhorf­and­anum við­mið sem gerir upp­lifun hans enn meiri. Mynd­vinnslan hæfir mynd­inni ein­stak­lega vel.“

Blaða­ljós­mynd­ara­fé­lag Íslands var stofnað árið 1976 og starfar inn­an­ ­Blaða­manna­fé­lags Íslands. Sýn­ingin Myndir árs­ins hefur verið haldin árlega ­síðan 1995 og er ein fjöl­sóttasta ljós­mynda­sýn­ingin ár hvert. Stjórn­ ­Blaða­ljós­mynd­ara­fé­lags Íslands í ár skipa Eyþór Árna­son (for­mað­ur), Ern­ir Eyj­ólfs­son, Anton Brink Han­sen, Rut Sig­urð­ar­dótt­ir, Heiða Helga­dóttir og ­Styrmir Kári Erwins­son.

Sýn­ingin stendur til 2. apríl og Sögur Útgáfa gefur út bók með mynd­um ­sýn­ing­ar­innar sem fæst í bóka­búðum lands­ins.

Verð­laun fyrir mynda­röð árs­ins fékk Heiða Helga­dótt­ir, ,meðal ann­ars fyrir myndir sem teknar voru í Lauf­skála­rétt.