Sigmundur tjáir sig: Ætlar ekki að ræða mál konu sinnar í fjölmiðlum

Sigmundur Davíð segir að reynt sé að koma höggi á hann með umræðu um félag konu hans á Tortóla. Hún hafi látið hagsmuni annarra ráða för.

sigmundur davíð anna sigurlaug
Auglýsing

Sig­mundur Davíð Gunn­laugs­son ætlar ekki að ræða mál­efni eig­in­konu sinnar eða fjöl­skyldu hennar í fjöl­miðl­um. Þetta kemur fram í grein á síðu hans. Hann segir að póli­tískir and­stæð­ingar hans stökkvi nú fram og reyni að ná höggi á hann með því að ráð­ast á konu hans, og það láti hann ekki ger­ast athuga­semda­laust. 

For­sæt­is­ráð­herra seg­ist hafa haft það prinsipp að ræða ekki mál­efni konu sinnar eða fjöl­skyldu henn­ar, og ætli að halda sig við það nema sú grund­vall­ar­breyt­ing verði á íslenskum stjórn­málum að æski­legt verði talið að mál­efni maka stjórn­mála­manna séu til umræðu í tengslum við störf þeirra. „Verði sú raunin mætti spyrja margra spurn­inga um maka stjórn­mála­manna allt frá eignum að vinnu fyrir stjórn­völd á liðnum árum.“ 

Íhug­aði að tala um að hann vildi auka tap konu sinnar

Sig­mundur seg­ist hafa sagt Önnu Sig­ur­laugu í kjöl­far hruns­ins að hún ætti ekki að gera ráð fyrir miklum end­ur­heimtum af því fjár­magni sem hún hefði lánað bönk­un­um. Hann seg­ist hafa sagt við hana að hann myndi berj­ast fyrir því að engar kröfur yrðu settar á íslenskan almenn­ing og að hags­munir sam­fé­lags­ins yrðu hámark­aðir á kostnað þeirra sem ættu pen­inga hjá bönk­un­um. 

Auglýsing

„Eina leiðin til að end­ur­reisa sam­fé­lagið væri að afskrifa mikið af kröfum á bank­ana og það myndi þýða að margir sem þegar hefðu tapað miklu á gjald­þroti þeirra myndu tapa enn meiru. Ég man enn hvað við­brögð hennar voru ein­læg og afdrátt­ar­laus. Hún sagði mér að ef það mætti verða til að draga úr þeim ótta og þján­ingum sem við blöstu á Íslandi ætti það að vera mark­miðið að afskrifa sem allra mest af kröfum á bank­ana.“

Sig­mundur segir að Anna hafi alla tíð síðan verið helsti hvata­maður hans í því að lág­marka tjón sam­fé­lags­ins. Hún hafi jafn­framt aldrei keypt kröfur eftir hrun, líkt og erlendir vog­un­ar­sjóðir eða hrægamma­sjóð­ir, heldur hafi hún tapað því sem hún lán­aði bönk­un­um. 

„Ég skal við­ur­kenna að það hvarfl­aði að mér í kosn­inga­bar­átt­unni árið 2013 að ræða um að ég væri að berj­ast fyrir því að tekin yrði upp stefna sem myndi auka á tap eig­in­konu minnar af banka­hrun­inu. Að athug­uðu máli sá ég að það væri ekki for­svar­an­legt og skamm­að­ist mín reyndar fyrir að hafa látið mér detta í hug að nota fjár­hags­legt tap eig­in­konu minnar í póli­tískri bar­átt­u.“

Nýtti ekki tæki­færi til að fela nokkuð

„En nú þegar fjár­mál eig­in­konu minnar hafa verið gerð að opin­beru umræðu­efni finnst mér rétt að gera grein fyrir þessu. Um leið bendi ég á að þessi umræða hefur einkum leitt tvennt í ljós. Í fyrsta lagi þá stað­reynd að konan mín hefur greitt alla skatta af eignum sínum og ekki nýtt tæki­færi til að fela nokkurn hlut. Reyndar hefur hún ekki einu sinni nýtt heim­ildir laga til að fresta skatt­greiðsl­um. Í öðru lagi að hún hefur í eigin fjár­málum eins og öðru tekið hags­muni ann­arra fram yfir sína eig­in.“ 

Hann segir að það sem ein­kenni konu hans umfram annað sé fórn­fýsi og heið­ar­leiki. Hann hafi alltaf sagt henni að hún sé of fórn­fús og upp­tekin af erf­ið­leikum ann­arra. Það sé eðli­legt að hafa áhyggjur af mörgu og vilja láta gott af sér leiða. „Það er hins vegar ekki hollt að vera alltaf með hug­ann við vanda­mál og líða stöðugt fyrir erf­ið­leika ann­arra.“ 

Sig­mundur segir að stjórn­mála­á­tök sam­tím­ans ein­kenn­ist oft af því að „farið sé í mann­inn“ fremur en mál­efn­ið. „Mér er nokkuð sama hvernig hjólað er í mig. Ég er ýmsu vanur í póli­tískri umræðu. En menn hljóta að geta fall­ist á að það sé með öllu ólíð­andi að ráð­ist sé á ætt­ingja eða maka stjórn­mála­manna til þess eins að koma á þá höggi. Frá því að ég hóf þátt­töku í stjórn­málum hafa engu að síður verið gerðar margar til­raunir til að gera eignir eig­in­konu minnar og ætt­ingja tor­tryggi­legar í von um að með því megi koma höggi á mig.“

Hagn­að­ist á því að sleppa við stöð­ug­leika­skatt

Wintris Inc., félagið sem Anna Sig­ur­laug á og skráð er á Bresku Jóm­frú­areyj­un­um, getur búist við því að fá rúm­lega 120 millj­ónir króna þegar slitabú föllnu bank­anna hafa greitt kröfu­höfum sín­um. Alls á félagið kröfur upp á 523 millj­ónir króna og væntar end­ur­heimtir kröfu­hafa skila ofan­greindri nið­ur­stöðu. Ef stöð­ug­leika­skattur hefði verið lagður á slita­búin hefði það fé sem runnið hefði til kröfu­hafa verið um 300 millj­örðum krónum lægri upp­hæð sem nú verð­ur. Því hagn­ast Wintris umtals­vert á því að slita­búum Glitn­is, Kaup­þings og Lands­bank­ans var gert kleift að ljúka slitum sínum með greiðslu stöð­ug­leika­fram­lags frekar en með álagn­ingu stöð­ug­leika­skatts.

Félag eig­in­konu for­sæt­is­ráð­herra á kröfur í slitabú föllnu bank­anna vegna þess að það hafði keypt skulda­bréf útgefin af þeim fyrir hrun. Þetta hefur Kjarn­inn fengið stað­fest hjá Jóhann­esi Þór Skúla­syni, aðstoð­ar­manni for­sæt­is­ráð­herra, sem sér um upp­lýs­inga­gjöf fyrir hönd Önnu Sig­ur­laugar vegna opin­ber­unar á eign hennar á aflands­fé­lagi. Þegar neyð­ar­lögin voru sett í októ­ber 2008 færð­ust kröfur vegna slíkra skulda­bréfa aftur fyrir inn­stæður í kröfu­hafaröð bank­anna. Sig­mundur Davíð sat ekki á þingi þegar neyð­ar­lögin voru sam­þykkt og enn voru þá nokkrir mán­uðir í að hann yrði kos­inn for­maður Fram­sókn­ar­flokks­ins. Sig­mundur Davíð kom því ekki að þeirri laga­setn­ing­u. 

Skiptir Kjarninn þig máli?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Við erum til staðar fyrir lesendur og fjöllum um það sem skiptir máli.

Ef Kjarninn skiptir þig máli þá máttu endilega vera með okkur í liði.

Já takk, ég vil styrkja Kjarnann!
Ríkið þurfi að kortleggja á hverjum loftslagsskattarnir lenda
Upplýsingar liggja ekki fyrir í dag um það hvernig byrðar af loftslagssköttum dreifast um samfélagið. Í greinargerð frá Loftslagsráði segir að stjórnvöld þurfi að vinna slíka greiningu, vilji þau hafa yfirsýn yfir áhrif skattanna.
Kjarninn 30. júní 2022
Í frumdrögum að fyrstu lotu Borgarlínu var Suðurlandsbrautin teiknuð upp með þessum hætti. Umferðarskipulag götunnar er enn óútkljáð, og sannarlega ekki óumdeilt.
Borgarlínubreytingar á Suðurlandsbraut strjúka fasteignaeigendum öfugt
Nokkrir eigendur fasteigna við Suðurlandsbraut segja að það verði þeim til tjóns ef akreinum undir almenna umferð og bílastæðum við Suðurlandsbraut verði fækkað. Unnið er að deiliskipulagstillögum vegna Borgarlínu.
Kjarninn 30. júní 2022
Í austurvegi
Í austurvegi
Í austurvegi – Einlæg gjöf en smáræði 千里送鹅毛
Kjarninn 30. júní 2022
Úlfar Þormóðsson
Taglhnýtingar þétta raðirnar
Kjarninn 30. júní 2022
Viðbragðsaðilar og vegfarendur á vettvangi aðfaranótt sunnudags. 22 unglingar létust á Enyobeni-kránni.
Hvers vegna dóu börn á bar?
Meðvitundarlaus ungmenni á bar. Þannig hljómaði útkall til lögreglu í borginni East London í Suður-Afríku aðfaranótt sunnudags. Ýmsar sögur fóru á kreik. Var eitrað fyrir þeim? Og hvað í ósköpunum voru unglingar – börn – að gera á bar?
Kjarninn 30. júní 2022
Ekki yfirgefa kettina ykkar ef þeir veikjast, segir höfundur rannsóknarinnar. Hugsið enn betur um þá í veikindunum en gætið að sóttvörnum.
Staðfest: Köttur smitaði manneskju af COVID-19
Teymi vísindamanna segist hafa staðfest fyrsta smit af COVID-19 frá heimilisketti í manneskju. Þeir eru undrandi á að það hafi tekið svo langan tíma frá upphafi faraldursins til sanna að slíkt smit geti átt sér stað.
Kjarninn 29. júní 2022
Cassidy Hutchinson fyrir framan þingnefndina í gær.
Það sem Trump vissi
Forseti Bandaríkjanna reyndi með valdi að ná stjórn á bíl, vildi að vopnuðum lýð yrði hleypt inn á samkomu við Hvíta húsið og sagði varaforseta sinn eiga skilið að hrópað væri „hengið hann!“ Þáttur Donalds Trump í árásinni í Washington er að skýrast.
Kjarninn 29. júní 2022
Óskar Guðmundsson
Hugmynd að nýju launakerfi öryrkja
Kjarninn 29. júní 2022
Meira úr sama flokkiInnlent
None