Tæp­lega 52% eru hlynnt því að leyfa stað­göngu­mæðrun á Íslandi, en 23-24% eru mót­fallin því, sam­kvæmt nýrri könnun frá Mask­ínu. Karla eru hlynnt­ari stað­göngu­mæðrun en kon­ur, rúm­lega 56% karla eru hlynntir því en 47 til 48% kvenna. 

Stuðn­ingur við stað­göngu­mæðrun minnkar með hækk­andi aldri, 69% fólks undir 25 ára aldri er hlynnt stað­göngu­mæðrun en 39% þeirra sem eru 55 ára og eldri. Þá er fólk með háskóla­próf síður hlynnt því að leyfa stað­göngu­mæðrun en þeir sem hafa styttri skóla­göng­u. 

Kjós­endur Sam­fylk­ing­ar­innar og Vinstri-grænna skera sig frá kjós­endum ann­arra flokka, þar sem um 41% kjós­enda Sam­fylk­ing­ar­in­arr eru hlynntir því að leyfa stað­göngu­mæðrun og 26% kjós­enda Vinstri-grænna. Hjá öðrum flokkum var hlut­fallið á bil­inu 54 til 58%, hæst hjá kjós­endur Bjartrar fram­tíð­ar. And­staðan við það að heim­ila stað­göngu­mæðrun er lang­mest hjá VG, 55,6% segj­ast and­víg. Minnst and­staða er hjá kjós­endum Fram­sókn­ar­flokks­ins, 17%. 

Í spurn­ing­unni var stað­göngu­mæðrun skil­greind þannig að stað­göngu­mæðrun í víðum skiln­ingi sé þegar kona (stað­göngu­móð­ir) gengur með barn fyrir par eða ein­stak­ling (verð­andi for­eldra eða for­eldri) og hefur fall­ist á fyrir með­göng­una að afhenda þeim barnið eftir fæð­ing­u. 

Nú liggur inni í þing­inu frum­varp um að heim­ila stað­göngu­mæðrun í vel­gjörð­ar­skyn­i. 

Þetta er miklu minni stuðn­ingur en mæld­ist þegar tvær kann­anir voru gerðar á stuðn­ingi við heim­ilun stað­göngu­mæðr­unar árið 2011, þegar umræða um málið var mik­il. Þá gerði MMR könnun þar sem 87% sögð­ust fylgj­andi því að leyfa stað­göngu­mæðrun en 13% voru and­víg því. Frétta­blaðið gerði einnig könnun sem sýndi tæp­lega 85% stuðn­ing við það að stað­göngu­mæðrun yrði heim­il­uð. 15,3% voru and­víg.