Vil­hjálmur Þor­steins­son, gjald­keri Sam­fylk­ing­ar­innar og einn hlut­hafi Kjarn­ans, greindi frá því á Face­book að hann eigi félag í Lúx­em­borg, í sam­hengi við fréttir af aflands­fé­lögum sem tengst hafa þremur ráð­herrum rík­is­stjórn­ar­inn­ar. Lúx­em­borg er þó ekki skil­greind sem skatta­skjól. Vil­hjálmur segir það ekk­ert leynd­ar­mál að hann eigi félag í land­in­u. 

„Það er full­skatt­lagt félag sem greiðir 21, 84% tekju­skatt. Skattar eru ekki ástæðan fyrir því að ég vil hafa félagið þar, heldur krón­an, gjald­eyr­is­höftin og póli­tísk og efna­hags­leg áhætta á Íslandi. Ef við værum í ESB væri engin ástæða til að hafa félagið erlend­is. Hlutir mínir í sprota­fyr­ir­tækjum hér inn­an­lands eru hins vegar að lang­mestu leyti í íslensku félag­i.” 

Tölu­verð ólga hefur verið meðal félags­manna Sam­fylk­ing­ar­innar á Face­book í dag vegna máls­ins. Vil­hjálmur und­ir­strikar að hann þó að hann eigi félag í Lúx­em­borg, eigi hann ekki „aflands­fé­lag” í „skatta­skjóli”. 

Erfitt að gera athuga­semdir

Árni Páll Árna­son, for­maður Sam­fylk­ing­ar­inn­ar, segir flokk­inn hafa tekið prinsippaf­stöðu gegn skatta­skjól­u­m. 

„Það er ósam­rým­an­legt trún­að­ar­störfum Sam­fylk­ing­ar­innar að vera með eign í skatta­skjóli,” segir hann. „En Vil­hjálmur segir að þetta sé upp­lýst félag og skatt­lagt og með hærri skatt­pró­sentu en á Íslandi. Ef málið er þannig vax­ið, þá er erfitt að gera athuga­semdir við það. Ef það er ekki annað í mál­inu en þetta. Það mundi horfa öðru­vísi við ef félagið væri ann­ars stað­ar, eða ef það væri eitt­hvað leyni­makk í Lúx­em­borg.”

Árni Páll seg­ist hafa fengið vit­neskju um félagið þegar hann las færslu Vil­hjálms á Face­book. 

„Ég hef aldrei leitt hug­ann að því hvar hann ætti pen­inga,” segir hann. „En yfir­lýs­ing­arnar sem hann hefur gef­ið, sem og skýr­ing­arnar um að þetta félag í Lúx­em­borg sé fullu skatt­lagt, gefa ekki til­efni til aðgerða.”

Eins og áður segir er Vil­hjálmur hlut­hafi í Kjarn­an­um. Hann er það í gegnum félag sitt Mið­eind ehf. og það félag er í eigu Meson Hold­ing A.S., sem skráð er í Lúx­em­borg.

Bjarni hélt að félagið sitt væri í Lúx

Bjarni Bene­dikts­son fjár­mála­ráð­herra er einn þeirra þriggja ráð­herra sem tengj­ast aflands­fé­lögum í skatta­skjól­um. Bjarni sagð­ist í svari sínu til frétta­stofu RÚV að hann hafi keypt fyrir tæp­lega 40 millj­ónir króna, þriðj­ungs­hlut í eign­ar­halds­fé­lagi sem Lands­bank­inn í Lúx­em­borg hafi stofnað fyrir við­skipta­fé­laga hans, um kaup á fast­eign í Dúbaí. Hann hafi alla tíð staðið í þeirri trú að félagið ætti varn­ar­þing í Lúx­em­borg, en ekki á Seychelles-Eyjum í Ind­lands­hafi, eins og raunin var.