Þýska blaðið Suedd­eutsche Zeit­ung hefur birt umfjöllun sína um íslenska stjórn­mála­menn sem tengj­ast félögum í skatta­skjólum á net­inu. Fjöl­mið­ill­inn er einn þeirra sem hafa haft aðgang að gríð­ar­lega umfangs­miklum gögnum í skatta­skjól­um, líkt og Reykja­vík Media og Kast­ljós. 

Umfjöllun fjöl­miðla um allan heim bein­ist í kvöld að Íslandi og Rúss­landi, sagði Helgi Seljan fjöl­miðla­maður nú í upp­hafi Kast­ljóss­þáttar sem verið er að senda út. 

Í umfjöllun þýska blaðs­ins er sjónum beint að Sig­mundi Davíð Gunn­laugs­syni for­sæt­is­ráð­herra, Bjarna Bene­dikts­syni og Ólöfu Nor­dal. 

Gögnin eru frá Mossack Fon­seca (Moss­fon), fyr­ir­tækis í Panama sem sér­hæfði sig í svona mál­um. Í gögn­unum má meðal ann­ars sjá upp­lýs­ingar um Sig­mund Dav­íð, Bjarna, Ólöfu, og Hrólf Ölv­is­son, fram­kvæmda­stjóra Fram­sókn­ar­flokks­ins.

Suedd­eutsche Zeit­ung segir að fjöldi Íslend­inga sé gögn­unum sé ótrú­lega mik­ill miðað við 330 þús­und manna land. Þar séu líka margir rík­ustu menn Íslands, fyrr­ver­andi hátt­settir banka­menn og að minnsta kosti einn hátt­settur ráð­gjafi rík­is­stjórn­ar­inn­ar.

Blaðið segir að vegna hruns­ins hér á landi sé almenn­ingur enn reið­ur. Í ljósi þess hafi Sig­mundur Davíð ýmis­legt að útskýra. Þau hjónin voru skráð saman fyrir fyr­ir­tæk­inu Wintris Inc. til loka árs­ins 2009.