Söfn­unin tók stökk í gær­kvöldi 

Rúm­lega 22.200 manns hafa skrifað undir áskorun til Sig­mundar Dav­íðs Gunn­laugs­sonar um að segja af sér. Söfn­un­in, sem er titluð „Sig­mundur Dav­íð, þér er hér með sagt upp störf­um!“ 

Vef­síðan fór í loftið 26. mars og fór nokkuð hratt af stað. Þó hægð­ist á fjölda und­ir­skrifta næstu daga, en eftir þátt Kast­ljóss­ins í gær settu rúm­lega 5.200 manns nafn sitt á list­ann. Í dag hafa safn­ast tæp­lega 2.000 und­ir­skrift­ir. 

24 studdu Sig­mund í gær

Önnur und­ir­skrift­ar­söfnun, „Við styðjum Sig­mund Dav­íð”, var sett á lagg­irnar á sama tíma. Rúm­lega þús­und manns hafa skrifað undir hana. Fjöldi und­ir­skrifta var mestur fyrstu þrjá dag­ana, en und­an­farna daga hefur hægt á henni. 24 skrif­uðu undir í gær eftir Kast­ljós og átta hafa skrifað undir í dag. 

Fjöl­menn mót­mæli í dag  

Boðað hefur verið til mót­mæla á Aust­ur­velli klukkan 17 í dag. Fyrir Kast­ljós­þátt gær­kvölds­ins höfðu um það bil tvö þús­und manns boðað komu sína. Nú, um 15 klukku­stundum síð­ar, hafa 7.700 sagst ætla að koma á mót­mælin á Face­book og um 6.300 sýna við­burð­inum áhuga. Mót­mælin bera yfir­skrift­ina Kosn­ingar strax. 

Fjár­öflun Reykja­vik Media gengur vel 

Kast­ljós­þáttur gær­kvölds­ins var unn­inn í sam­starfi við Reykja­vik Media og ICIJ, alþjóð­leg sam­tök rann­sókn­ar­blaða­manna, upp úr mesta gagna­leka sem um getur í sög­unni. Reykja­vik Media, undir for­ystu Jóhann­esar Kr. Krist­jáns­sonar blaða­manns hóf söfnun á Karol­ina Fund í gær­kvöld eftir þátt­inn og ekki sól­ar­hring síðar hafa safn­ast meira en 77 pró­sent af tak­mark­inu, rúm­lega 30.000 evr­ur, eða rúm­lega 4,2 millj­ónir íslenskra króna. 

Erlendir fjöl­miðlar eru und­ir­lagðir af fréttum um gagna­lek­ann, sem hefur verið kall­aður Pana­mapa­pers. Gögnin koma úr lög­fræði­stofu á Pana­ma, Mossack Fon­seca. Erlendar fréttir af íslenska for­sæt­is­ráð­herr­anum eru yfir­leitt þar efst á baugi, ásamt Pútín Rúss­lands­for­seta.