Óvissa er um hvað verður um húsið sem hýsir nú höf­uð­stöðvar Íslands­banka við Kirkju­sand. Myglu­sveppur fannst í bygg­ing­ar­efnum en Kjarn­inn greindi frá þessu í mars. Rann­sóknir hafa staðið yfir á hús­næð­inu síðan þá og sam­kvæmt frétta­til­kynn­ingu sem bank­inn sendi frá sér um helg­ina kemur fram að fylgst sé vel með loft­gæðum í hús­inu en ljóst sé að fara þurfi í tölu­verðar end­ur­bætur á hús­næð­inu. Unnið sé með verk­fræði­stof­unni EFLU að rann­sóknum ásamt finnska ráð­gjafa­fyr­ir­tæk­inu Vahanen. 

Íslands­banki hafði stefnt að því að stækka aðal­höf­uð­stöðvar sínar á Kirkju­sandi með við­bygg­ingu við suð­ur­vest­ur­enda þeirrar bygg­ingar sem fyrir er. Sam­hliða ætl­aði bank­inn sér að sam­eina starf­semi höf­uð­stöðva sinna, sem nú eru á fjórum stöð­um, á einn stað á Kirkju­sandi. Við­bygg­ingin átti að vera um sjö þús­und fer­metrar og áætl­anir gerðu ráð fyrir að fram­kvæmdir við hana myndu hefj­ast í lok síð­asta árs.

Edda Her­manns­dótt­ir, sam­skipta­full­trúi Íslands­banka, segir að ekki hafi verið tekin nein ákvörðun um Kirkju­sands­húsið enn­þá. Það verði skoðað á næst­unni hversu miklar end­ur­bæt­urnar verða. Einnig sé í skoðun hver fram­tíð reits­ins við Kirkju­sand verð­ur. 

Á stefnufundi starfs­manna Íslands­banka sem fór fram á laug­ar­dag­inn var til­kynnt að höf­uð­stöðvar Íslands­banka muni á haust­mán­uðum flytj­ast í Norð­ur­turn­inn í Kópa­vogi frá Kirkju­sandi þar sem höf­uð­stöðvar bank­ans hafa verið und­an­farin 20 ár. 

Í til­kynn­ing­unni seg­ir:

„Með þess­ari breyt­ingu verður starf­semi höf­uð­stöðva, sem í dag fer fram á fjórum stöð­um, sam­einuð undir einu þaki þar sem 650 starfs­menn munu starfa. Mikil hag­kvæmni fylgir sam­ein­ing­unni en sam­an­lagður fer­metra­fjöldi höf­uð­stöðva­starf­semi fer úr 13.900 í 8.600 fer­metra í Norð­ur­turn­in­um.

Um hríð hefur legið fyrir að sam­eina starf­semi bank­ans í nýjum höf­uð­stöðv­um. Íslands­banki mun áfram vera leið­andi í staf­rænni þjón­ustu og eru nýjar og fram­sæknar höf­uð­stöðvar liður í efla þróun bank­ans og sókn á mark­aði. Nýtt útibú bank­ans mun jafn­framt opna á 1. hæð Norð­ur­turns­ins í nóv­em­ber en sú vinna hefur staðið yfir und­an­farna mán­uð­i.“

Birna Ein­ars­dótt­ir, banka­stjóri Íslands­banka, segir að þau hafi beðið lengi eftir að geta sam­einað alla höf­uð­stöðva­starf­semi bank­ans  á einum stað. Vegna aðstæðna á Kirkju­sandi hafi þau flýtt þessum áformum og sjái mikil tæki­færi í hinum nýja höf­uð­stöðv­um. Bank­inn vilji vera fram­sýnn í starf­semi sinni og þau muni nú, undir einu þaki, geta boðið starfs­fólki og við­skipta­vinum upp á enn betri þjón­ustu.