Gerðar verða breyt­ingar á læsisteymi Mennta­mála­stofn­unar í vor, eftir að fimm af níu ráð­gjöfum teym­is­ins sögðu upp störf­um. Stofn­un­in réð í ágúst 2015 níu ráð­gjafa sem áttu að vinna að inn­leið­ingu aðgerða til efl­ingar læs­is. Ráð­gjaf­arnir tóku til starfa í októ­ber síð­ast­liðn­um, og átakið sem þeir hafa unnið að hófst í jan­ú­ar. Verk­efnið er hluti af aðgerðum í fram­haldi af Hvít­bók mennta- og menn­ing­ar­mála­ráð­herra um umbætur í mennta­málum og Þjóð­ar­sátt­mála um læsi. 

Arnór Guð­munds­son, for­stjóri Mennta­mála­stof­un­ar, stað­festir að fimm af níu með­limum teym­is­ins muni láta af störfum í svari við fyr­ir­spurn Kjarn­ans. Þar af hafi fjórir ákveðið að hverfa aftur til fyrri starfa eftir árs­leyfi en muni áfram eiga sam­starf við Mennta­mála­stofnun á vett­vangi sveit­ar­fé­laga. Ráðið verði í lausar stöður í teym­inu á næst­unni.

Arnór segir að verk­efnið sé í meg­in­at­riðum á áætl­un. Áherslur hafi und­an­farið verið kynntar fyrir sveit­ar­fé­lögum og skólum og ráð­gjöf veitt á nokkrum stöð­um. Grunn­skólum hafi verið sendar upp­lýs­ingar um stöðu sína í lestri út frá fyr­ir­liggj­andi gögnum og verði þeim fylgt eftir með ráð­gjöf næsta haust. Síðar á árinu verði grunn­skólum jafn­framt veittur aðgangur að nýjum stöðu­prófum í læsi fyrir 1.-10. bekk. Stefnt sé að því að vef­síða með ráð­gjöf og fræðslu­efni verði opnuð næsta haust.

Ill­ugi Gunn­ars­son mennta- og menn­ing­ar­mála­ráð­herra og Anna Mar­grét Sig­urð­ar­dóttir for­maður Heim­ilis og skóla – lands­sam­taka for­eldra, und­ir­rit­uðu samn­ing um gerð læs­is­sátt­mála fyrir for­eldra og kynn­ing­ar­efnis í Áslands­skóla í Hafn­ar­firði 27. jan­úar 2016. 

Með þjóð­ar­sátt­mál­anum gerðu sveit­ar­fé­lög og mennta- og menn­ing­ar­mála­ráð­herra ásamt full­trúum Heim­ilis og skóla með sér samn­ing um sam­eig­in­legan skiln­ing á því að læsi sé nauð­syn­legt til virkrar þátt­töku í sam­fé­lag­inu þannig að hver og einn geti nýtt hæfi­leika sína sjálfum sér og sam­fé­lag­inu öllu til vel­ferð­ar. Einnig sam­þykktu samn­ings­að­ilar að þeir myndu vinna að því eftir fremsta megni að a.m.k. 90% nem­enda í sveit­ar­fé­lag­inu gætu lesið sér til gagns árið 2018. Áhersla var lögð á sam­vinnu við for­eldra og for­eldra­fé­lög til að ná mark­miðum samn­ings­ins.

Fram­lag ráðu­neyt­is­ins til samn­ings­ins var 14 millj­ónir króna. Samn­ing­ur­inn gildir frá 1. jan­úar 2016 til árs­loka 2016. Þetta kemur fram á heima­síðu mennta- og menn­ing­ar­mála­ráðu­neyt­is­ins.