Tekjur rík­is­sjóðs á árinu 2016 aukast í heild um tæpa 72 millj­arða króna frá fjár­lögum árs­ins sam­kvæmt upp­færðri tekju­á­ætlun sem gerð var í tengslum við útgáfu rík­is­fjár­mála­á­ætl­unar (vor­á­ætl­un­ar) fyrir árin 2017–2021. Þetta kemur fram í frétta­til­kynn­ingu frá fjár­mála- og efna­hags­ráðu­neyt­inu.

Um helm­ingur aukn­ing­ar­innar er vegna stöð­ug­leika­fram­laga slita­búa föllnu bank­anna. Hinn helm­ing­ur­inn eða 36 millj­arðar króna er að mestu til kom­inn vegna tekna af arði, en hluti aukn­ing­ar­innar er vegna styrk­ingar tekju­stofna í ljósi batn­andi efna­hags.

Hér er um að ræða fyrsta end­ur­mat á tekju­á­ætlun árs­ins 2016, að því er segir í til­kynn­ing­unni. „End­ur­matið er byggt á nýjum upp­lýs­ingum sem hafa komið til síðan fjár­laga­á­ætl­unin var gerð undir lok síð­asta árs. Þessar upp­lýs­ingar eru einkum nýj­ustu gögn um álagn­ingu og inn­heimtu skatta, upp­færð þjóð­hags­spá Hag­stofu í febr­ú­ar, áætl­anir um útgreiðslu arðs frá Lands­banka og Íslands­banka og loks breyttar for­sendur um bók­halds­lega með­ferð stöð­ug­leika­fram­laga frá slita­bú­um,“ segir enn frem­ur. 

Með­fylgj­andi tafla sýnir tekju­á­ætlun árs­ins, ann­ars vegar í fjár­lögum og hins vegar í vor­á­ætlun og hvernig ein­stakir liðir breyt­ast við end­ur­mat­ið. Fyrst skal tekið fram að hækkun stöð­ug­leika­fram­lags er alfarið vegna þeirrar ákvörð­unar að tekju­færa fram­lagið í heild á þessu ári en þannig hliðr­ast tekjur yfir á árið 2016 sem áður var gert ráð fyrir að myndu bók­fær­ast á næstu árum.