Bjarni Bene­dikts­son fjár­mála­ráð­herra hefur lagt fram frum­varp sem á að sporna við skattsvikum vegna eign­ar­halds í lág­skatta­ríkj­um. Frum­varpið er við­bragð við upp­lýs­ingum sem fram hafa komið um eignir Íslend­inga í skatta­skjól­um, einkum í gegnum Panama­skjöl­in. 

Upp­lýs­ingar um mögu­leg und­an­skot frá skatti „kalla á taf­ar­laus og afdrátt­ar­laus við­brögð af hálfu íslenskra stjórn­valda,“ segir í grein­ar­gerð með frum­varp­inu. Með frum­varp­inu er miðað að því að búa svo um að þrengt sé að þeim kostum og leiðum sem hægt er að nota til að fara á svig við skatta­lög. 

Í frum­varp­inu eru lagðar til eft­ir­far­andi breyt­ing­ar:

• Tak­mörkun á taps­frá­drætti félaga í lág­skatta­ríki.
  
  
• Tak­mörkun á sam­runa og skipt­ingu yfir landa­mæri.
  
  
•  Flutn­ingar lög­heim­ilis eða eigna til ríkja sem telj­ast lág­skatta­ríki verði tak­mark­aðir veru­lega.
  
  
• End­ur­skoðun á CFC-á­kvæð­inu, sem fjallar um skatt­lagn­ingu aðila sem eiga beina eða óbeina eign­ar­að­ild að félög­um, sjóðum eða stofn­unum sem eru heim­il­is­föst í lág­skatta­ríkj­um, í átt til frek­ari skýr­ing­ar.
  
  
• End­ur­skoðun á upp­lýs­inga­skyldu fjár­mála­stofn­ana og lög­manna.
  
  
• Heim­ild til end­ur­á­kvörð­unar skatts lengd úr sex árum í tíu ár vegna tekna og eigna í lág­skatta­ríkjum sem ekki hefur verið gerð full­nægj­andi grein fyrir í skatt­skil­um.          
  
  
•  Fyrn­ing­ar­tími sakar lengdur úr sex árum í tíu ár vegna tekna í lág­skatta­ríkj­um.
  
  
• Aukið aðgengi inn­heimtu­manna að upp­lýs­ingum um eigna­stöðu gjald­enda.
  
  
• Efl­ing áhættu­stjórn­unar og aukin grein­ing­ar­vinna – grein­ing­ar­deild toll­stjóra.
  
  
• Hert við­ur­lög vegna rangrar upp­lýs­inga­gjafar við inn­flutn­ing.

Stofna starfs­hóp gegn nýt­ingu skatta­skjóla

Bjarni hefur einnig skipað starfs­hóp til að gera til­lögur að breyt­ingum sem eiga að mynda frek­ari aðgerða­á­ætlun stjórn­valda gegn skattaund­anskotum og nýt­ingu skatta­skjóla almennt. Í hópnum eiga meðal ann­ars sæti Skúli Egg­ert Þórð­ar­son rík­is­skatt­stjóri, Bryn­dís Krist­jáns­dóttir skatt­rann­sókn­ar­stjóri og Snorri Olsen toll­stjóri. Einnig eiga sæti lög­fræð­ingar hjá for­sæt­is- og fjár­mála­ráðu­neyti, rík­is­skatt­stjóra og toll­stjóra og við­skipta­fræð­ingur hjá skatt­rann­sókn­ar­stjóra. 

Hóp­ur­inn á að skila skýrslu með til­lögum sínum fyrir lok júní til Bjarna.