Sig­urður Ingi Jóhanns­son for­sæt­is­ráð­herra hefur lagt fram þings­á­lykt­un­ar­til­lögu á Alþingi um frestun á fundum Alþing­is. Fresta á fundum á morg­un, 2. júní, eða síðar ef nauð­syn kref­ur, að því er fram kemur í til­lög­unn­i. Í álykt­un­inni er einnig kveðið á um að fundir Alþingis hefj­ist á ný þann 15. ágúst. 

Þannig er ekki lokað á þann mögu­leika að þingið komi saman á ný í næstu viku til að afgreiða ein­hver mál, jafn­vel þótt starfs­á­ætlun þings­ins geri ráð fyrir því að morg­un­dag­ur­inn verði síð­asti þing­funda­dag­ur­inn þangað til í ágúst. Þing­fundur var að hefj­ast á Alþingi klukkan þrjú í dag og síð­asti þing­fund­ur­inn á að hefj­ast klukkan 10.30 í fyrra­mál­ið. 

Þing­nefndir eiga að starfa í viku í við­bót sam­kvæmt starfs­á­ætl­un­inni. Þær munu líka koma saman á ný þremur dögum áður en þing á að koma saman 15. ágúst. Þá er þing­inu ætlað að funda í tólf daga auk þess að annar eld­hús­dagur verður hald­inn þá. Gert er ráð fyrir því að þingi verði frestað á ný þann 2. sept­em­ber, og þá lýkur kjör­tíma­bil­inu þar sem boða á til kosn­inga í haust.