Nær öll til­boð sem bár­ust Seðla­bank­anum í gjald­eyr­is­út­boði bank­ans voru sam­þykkt. Útboð­inu lauk í dag en það var liður í losun fjár­magns­hafta sam­kvæmt áætlun stjórn­valda síðan í fyrra. Geng­ist var við öllum til­boðum sem bár­ust á geng­inu 190 krónur á hverja evru eða lægra.

Alls bár­ust 1.646 til­boð og var 1.619 til­boðum tek­ið, eða rúm­lega 98 pró­sent allra til­boð­anna. Fjár­hæð sam­þykktra til­boða nemur rúm­lega 72 millj­örðum króna af tæp­lega 178 millj­örðum króna sem boðnar voru út í útboð­inu. Í kjöl­far útboðs­ins minnkar gjald­eyr­is­forði Seðla­bank­ans um rúm­lega 47 millj­arða króna, að því er kemur fram í til­kynn­ingu á vef Seðla­bank­ans.

Í fram­haldi af þessu hefur verið ákveðið að Seðla­bank­inn bjóð­ist til að kaupa þær aflandskrónu­eignir sem ekki voru seldar í útboð­inu á 190 krónur á hverja evru. Nánar verður greint frá fyr­ir­komu­lagi þes­ara við­skipta á morg­un, að því er segir í til­kynn­ing­u. 



Ljóst er því að útboðið hefur ekki leyst allan vand­ann varð­andi aflandskrón­urn­ar, sem eru um 300 millj­arð­ar, og stór hluti þeirra sem áttu aflandskrónur virð­ist hafa ákveðið að taka ekki þátt í útboð­in­u.