Nettó ábati sæstrengs um 190 milljarðar – „Ræðið“

Lagning sæstrengs milli Íslands og Bretlands er háð miklum nývirkjunum á Íslandi. Óvissa er um pólitíska framvindu málsins, meðal annars vegna Brexit-kosninganna.

Sæstrengur
Auglýsing

„Nú eru gögnin komin á borð­ið, og ég segi; ræð­ið“ sagð­i Ragn­heiður Elín Árna­dótt­ir, iðn­að­ar- og við­skipta­ráð­herra, að loknum ítar­leg­um kynn­ing­ar­fundi á skýrslum um skoðun á lagn­ingu sæstrengs milli­ Ís­lands og Evr­ópu, einkum Bret­lands. Á fund­inum kynnti Sig­urður Atli Jóns­son, ­for­stjóri Kviku, einnig skýrslu um kostn­að­ar- og ábata­grein­ingu á lagn­ing­u ­sæ­strengs milli Íslands og Bret­lands.

Mikil áhrif á hag­vöxt

Sam­kvæmt henni, þá eru vís­bend­ingar um að lagn­ing 800 til­ 1.200 km. sæstrengs kunni að reyn­ast bæði Íslands og Bret­landi þjóð­hags­leg og við­skipta­lega arð­söm. „For­senda þess virð­ist þó vera að bresk stjórn­völd séu reiðu­búin að styðja við verk­efnið líkt og þau styðja í dag þar­lenda nýja end­ur­nýj­an­lega raf­orku­vinnslu. Fyrir Ísland er nettó ábat­inn um 1,4 millj­arð­ar­ ­evra og árleg jákvæð áhrif á lands­fram­leiðslu á bil­inu 1,2 til 1,6 pró­sent sem eru umtals­verð var­an­leg jákvæð áhrif,“ segir almennum nið­ur­stöðukafla skýrslu ­Kviku, sem unnin var í sam­starfi við ráð­gjafa­fyr­ir­tækið PÖYRY.

Heild­ar­kostn­aður við lagn­ingu sæstrengs er metin á milli 3 til 3,5 millj­arðar evra, eða sem nemur um allt að 476 millj­örðum króna mið­að við núver­andi gengi krónu gagn­vart evru (136 ISK = 1 evr­a). Þá er áætlað að ­kostn­aður við styrk­ingu flutn­ings­kerfis á Íslands, til þess að gera sæstreng­inn ­mögu­legan, sé 30 til 75 millj­arðar króna. Til við­bótar komi svo fleiri virkj­an­ir.

Auglýsing

Ragnheiður Elín Árnadóttir, iðnaðnar- og viðskiptaráðherra, sagði ljóst að engar ákvarðanir um sæstrenginn yrðu teknar á þessu kjörtímabili. Það bíður nýrrar ríkisstjórnar, eftir kosningar í haust, að taka afstöðu til málsins.

Miklar virkj­anir þarf til

Sæstrengur kallar á fjár­fest­ingar í raf­orku­vinnslu upp á 1.459 MW af nýju upp­setti afli, sam­kvæmt því sem nefnt er mið-sviðs­mynd í skýrslu Kviku. Það afl sem nemur meiru en tvö­faldi afli Kára­hnjúka­virkj­un­ar, ­sem lang­sam­lega stærsta virkun á Íslandi.

Er ráð­gert að sú raf­orka komi að hluta úr þeim ­virkj­ana­kostum sem eru í nýt­ing­ar­flokki ramma­á­ætl­un­ar, meðal ann­ars frá­ smá­virkj­un­um, vind­orku, lágjarða­varma og aflaukn­ingu í núver­andi virkj­un­um. Sé horft til reynslu Nor­egs er áætlað að hæg sé að reisa um 150 MW af nýj­u­m smá­virkj­un­um, sem eru undir 10 MW, með til­komu sæstrengs.

Ljóst er að ramma­á­ætl­un­in, og hvernig hún mun taka á því hvar má virkja og hvar ekki, mun ráða miklu um hvort sæstreng­ur­inn verður yfir­ höfuð raun­hæft verk­efni.

Þá er tekið fram í sam­an­tekt um mál­ið, að hefð­bundin við­skipta­lík­ön og reglu­verk fyrir sæstrengi ná ekki yfir þetta til­tekna verk­efni. Sér­sníða þarf við­skipta­lík­an, reglu­verk og stuðn­ings­kerfi fyrir verk­efni og fá fyrir því ­sam­þykki eft­ir­lits­að­ila. Þá kom fram á fund­inum í dag, að í við­ræðum milli­ ­starfs­hópa Íslands og Bret­lands hefði tölu­vert verið rætt um almenn­ings­ált­ið ­gagn­vart sæstreng, bæði á Íslandi og í Bret­landi.

Óvissa og ekk­ert á­kveðið í bráð

Ragn­heiður Elín sagði að ljóst væri að engar ákvarð­anir yrð­u ­teknar um sæstreng­inn á þessu kjör­tíma­bili, en mark­miðið með vinn­unni sem hefð­i farið fram, væri að draga fram allar upp­lýs­ingar og meta verk­efni heild­stætt, ekki síst í ljósi þess að það hefði mikil áhrif til langs tíma.

Þá nefndi Ragn­heiður Elín að nið­ur­staða Brexit kosn­ing­anna ­gæti haft áhrif á sæstrengs­verk­efn­ið, meðal ann­ars vegna þess að Bret­land gæt­i misst mögu­leik­anna á nið­ur­greiðslu­kerfi Evr­ópu­sam­bands­ins þegar kemur að ­upp­bygg­ingu orku­mann­virkja. „Þá er reiknað með því að streng­ur­inn sé tengd­ur við Skotland, og í ljósi stöð­unnar nú er erfitt að segja til um hvernig mál­in ­þróast,“ sagði Ragn­heiður Elín. Hún nefndi einnig að geng­is­þróun gæti haft ­mikil áhrif á verk­efn­ið.

Kjarn­inn mun fjalla ítar­lega um sæstrengs­skýrsl­urn­ar, sem ­gerðar voru opin­berar í dag, á næstu vik­um. 

Þótti eðlilegt að ganga um opinbera sjóði eins og nammikistu
Þórhildur Sunna Ævarsdóttir segir að það komi sér ekki á óvart að vera ásökuð um hræsni af ákveðnum kreðsum eftir hún gagnrýndi niðurstöðu siðanefndar Alþingis um eigin ummæli.
Kjarninn 25. maí 2019
Klikkið
Klikkið
Klikkið - Batasögur: Þórey Guðmundsdóttir
Kjarninn 25. maí 2019
Neyðarástand eða ekki – Eitthvað þarf að gera
Krafa hefur verið uppi í samfélaginu um að stjórnvöld lýsi yfir neyðarástandi í loftslagsmálum en þau hafa ekki enn séð ástæðu til þess að gera það. Umhverfis- og auðlindaráðherra hefur þó ekki útilokað það og boðar jafnframt aðgerðir í loftslagsmálum.
Kjarninn 25. maí 2019
Sigríður kallar MDE „nefnd“ sem hafi gert atlögu gegn íslensku dómskerfi
Fyrrverandi dómstólaráðherra sakar dómara við Mannréttindadómstól Evrópu um atlögu gegn dómskerfi Íslendinga. Um sé að ræða „pólitískt at“. Umboð Mannréttindadómstólsins á Íslandi sé ekkert.
Kjarninn 25. maí 2019
Sigurborg Ósk Haraldsdóttir, formaður skipulags- og samgönguráðs Reykjavíkur.
Skoða að leggja tafagjöld á einkabíla í Reykjavík
Borgaryfirvöld eru að kanna það að leggja svokölluð tafagjöld á einkabíla til að draga úr og stýra umferð innan borgarinnar. Samgöngu- og sveitarstjórnarráðherra hefur viðrað sambærilegar hugmyndir.
Kjarninn 25. maí 2019
Getur aldrei verið sjálfstætt markmið flokks að lifa af
Bjarni Benediktsson, formaður Sjálfstæðisflokks, segir nýja flokka koma og í slíku umróti skipti flokkar sem feykist ekki um í „örvæntingarfullri leit að vinsældum“ máli.
Kjarninn 25. maí 2019
Þórhildur Sunna Ævarsdóttir
Vernd mannréttinda vinnur sigur
Kjarninn 24. maí 2019
Isavia mátti kyrrsetja vél ALC úr flota WOW air
Landsréttur staðfesti þá niðurstöðu úr héraði, að Isavia hafi verið í fullum rétti að kyrrsetja vél úr flota WOW air.
Kjarninn 24. maí 2019
Meira úr sama flokkiInnlent
None