Erlendir ferða­menn hafa aldrei eytt meiri pen­ingum á Íslandi en þeir gerðu í júní síð­ast­liðn­um. Alls nam erlend greiðslu­korta­velta í mán­uð­inum tæpum 26 millj­örðum króna, sem er átta millj­örðum krónum meira en hún var í sama mán­uði 2015. Það þýðir að aukn­ingin á milli ára er rúm­lega 40 pró­sent. Þetta kemur fram í nýjum tölum frá Rann­sókn­ar­setri versl­un­ar­inn­ar.

Það sem af er ári hafa erlendir ferða­menn greitt um 100 millj­örðum króna með kortum sín­um. Mest hefur farið í flug­ferð­ir, eða um 19 millj­arðar króna, en um 18 millj­arðar króna fóru í gisti­þjón­ustu. Þá hafa þeir eytt 11,6 millj­örðum króna í verslun á fyrstu sex mán­uðum árs­ins.

Með­al­velta í krónum  talið er eilítið hærri en hún var í júní í fyrra, eða um 139 þús­und á hvern ferða­mann. Mest eyða ferða­menn frá Sviss, eða 245 þús­und krónum að með­al­tali, en Kín­verjar (67 þús­und krón­ur) og Pól­verjar (28 þús­und krón­ur) eru með lægstu með­al­velt­una.

Það kemur kannski fæstum á óvart en ferða­menn sem heim­sóttu Ísland hafa aldrei verið fleiri en í nýliðnum júní­mán­uði, þegar 186 þús­und slíkir fóru til og frá land­inu. Það er tæp­lega 36 pró­sent fleiri en komu hingað í júní 2015. Alls komu um 700 þús­und ferða­menn til Íslands á fyrstu sex mán­uðum árs­ins, sem er 183 þús­und fleiri en komu hingað á sama tíma­bili í fyrra og jafn margir og heim­sóttu landið allt árið 2012. Vert er að taka fram að júlí og ágúst eru vana­lega þeir mán­uðir sem flestir ferða­menn heim­sækja Ísland og því má búast við því að enn fleiri slíkir komi hingað til lands á síð­ari hluta árs­ins en gerðu það á fyrstu sex mán­uðum þess.