Árni Johnsen, fyrr­ver­andi þing­maður Sjálf­stæð­is­flokks­ins, vill kom­ast aftur á þing fyrir flokk­inn og býður sig fram í eitt af for­ystu­sæt­unum í Suð­ur­kjör­dæmi. Þetta kemur fram í aðsendri grein Árna í Morg­un­blað­inu í dag. 

Árni var þing­maður um langt skeið, með hléum, allt þar til árs­ins 2013. Hann gaf kost á sér í próf­kjör­inu fyrir síð­ustu kosn­ingar en hlaut ekki náð fyrir augum kjós­enda í próf­kjör­inu. Hann segir að núver­andi þing­menn flokks­ins og þau sem náðu kjöri í efstu sæt­in, Ragn­heiður Elín Árna­dótt­ir, Unnur Brá Kon­ráðs­dóttir og Ásmundur Frið­riks­son, hafi unnið „skipu­lega að því að fæla fólk frá því að kjósa mig.“ Þau hafi „rott­að“ sig saman og haft erindi sem erf­iði. „Þessi vinnu­brögð eru ekki ólög­leg en þau eru algjör­lega sið­laus og ódrengi­leg á versta máta,“ skrifar Árni í Morg­un­blað­ið. 

Hann segir að þing­menn­irnir þrír í kjör­dæm­inu hafi ekki gert neitt und­an­farin þrjú ár sem komi Suð­ur­kjör­dæmi til góða. „En tríóið leyfði sér að bregða fyrir mig fæti og fella mig á hlaupa­braut­inni með 40 mál í fartesk­inu, stór og smá varð­andi Suð­ur­kjör­dæmi og landið allt.“ 

Árni seg­ist ekki vera tapsár og hann sé ekki að leita að sam­úð, heldur sann­girni og rétt­læt­i. 

Árni er 72 ára gam­all, og segir að hann sé því „nán­ast tán­ingur miðað við aldur í alþjóða­stjórn­mál­u­m.“ 

Árni var dæmdur í tveggja ára fang­elsi árið 2003 fyrir fjár­drátt og umboðs­svik í opin­beru starfi, mútu­þægni og rangar skýrslur til yfir­valda. Hann lét af störfum alþing­is­manns eftir að málið kom upp en kom aftur inn á þing árið 2007 og sat til árs­ins 2013.