Yfir­manni á ljós­mynda­deild fjöl­miðla- og fjar­skipta­fyr­ir­tæk­is­ins 365 var sagt upp störfum í morg­un, en hann hafði verið í leyfi frá störfum um margra mán­aða skeið eftir að hafa kvartað undan ein­elti útgef­anda og aðal­rit­stjóra fyr­ir­tæk­is­ins. 

Mað­ur­inn, Pjetur Sig­urðs­son, stað­festir í sam­tali við Kjarn­ann að honum hafi verið sagt upp störfum í morg­un. Hann vildi hins vegar ekki tjá sig frekar um mál­ið. Hvorki náð­ist í Sævar Frey Þrá­ins­son, for­stjóra 365, né Krist­ínu Þor­steins­dótt­ur, aðal­rit­stjóra og útgef­anda 365, við vinnslu frétt­ar­inn­ar. 

Frétta­tím­inn greindi fyrst frá ein­elt­is­mál­inu í maí síð­ast­liðn­um. Þar kom fram að eftir að Pjetur hafi kvartað undan meintu ein­elti Krist­ínar Þor­steins­dóttur aðal­rit­stjóra hafi mannauðs­stjóri fyr­ir­tæk­is­ins sett í gang form­lega athugun á mál­inu. Þeirri athugun hafi hins vegar verið hætt eftir að Kristín komst á snoðir um mál­ið, og þá hafi Pjetur farið í leyfi. Þetta hafi verið í byrjun maí. Skömmu síðar lét mannauðs­stjór­inn af störfum hjá fyr­ir­tæk­in­u. 

Fyrir rúmum tveimur árum kom upp ein­elt­is­mál á RÚV, þegar fyrr­ver­andi íþrótta­f­rétta­mað­ur­inn Adolf Ingi Erlings­son kvart­aði undan ein­elti yfir­manns, Krist­ínar Hálf­dan­ar­dótt­ur, í sinn garð. Hann gerði það meðal ann­ars við mannauðs­stjóra stofn­un­ar­inn­ar. Honum var sagt upp störfum og BHM fór í mál við Rík­is­út­varpið fyrir hans hönd til að krefj­ast bið­launa. RÚV var sýknað af öllum kröfum Adolfs Inga í hér­aðs­dómi í jan­ú­ar.