Íslenska hug­bún­að­ar­fyr­ir­tækið Greenqloud hefur fengið nýja hlut­hafa í félag­ið, en það er athafna­konan Kelly Ireland. Hún leggur félag­inu til fjórar millj­ónir Banda­ríkja­dala, jafn­virði tæp­lega 500 millj­óna króna, og hefur Kelly einnig tekið sæti í stjórn félags­ins. 

Þetta kemur fram í til­kynn­ingu frá Greenqloud.

Greenqloud hefur verið í örum vexti síðan félagið hætti rekstri hýs­ing­ar­þjón­ustu og færði allan ­fókus á þróun hug­bún­að­ar­ins Qstack, sem stýrir og eykur aðgengi not­enda að mið­læg­um ­tölvu­kerfum fyr­ir­tækja. Síðan Qstack var kynnt árið 2014 hafa leið­andi fyr­ir­tæki á heims­vís­u hafið notkun á hug­bún­aðnum t.d. í fjár­mála-, leikja- og tækni­iðn­aði, sem og í líf­tækni og heibrigð­is­þjón­ust­u. 

„Þessi félög nota Qstack til að ein­falda rekstur upp­lýs­inga­tækni­kerfa sinna á­samt því að auka fram­leiðni, bæði rekstr­ar­teyma og not­enda þeirra kerfa. Þessum góða árangri hefur fylgt athygli frá þeim fyr­ir­tækjum sem telj­ast leið­andi í há­tækni­iðn­að­inum og leitt af sér sam­starf Greenqloud við félög eins og Microsoft, VMware, Hew­lett Packard Enter­prise, Netapp og Hitachi," segir í til­kynn­ing­unni.

Í stjórn Greenqloud sitja nú Guð­mundur Ingi Jóns­son (stjórn­ar­for­mað­ur); Kelly Ireland; Birgir Már Ragn­ars­son; Þor­lákur Trausta­son og Egill Más­son. Aðal­eig­endur fyr­ir­tæk­is­ins eru Kelly Ireland; Keel Invest, Inc; Nýsköp­un­ar­sjóður Íslands og Novator ásamt smærri fjár­fest­u­m, ­stofn­endum og starfs­fólki. „Ég kynnt­ist Greenqloud fyrir um 18 mán­uðum síðan og hef fylgst vel með þróun félags­ins síð­an þá,” segir Kelly Ireland. „Greenqloud hefur sýnt að það er leið­andi fyr­ir­tæki í hug­bún­að­ar­þróun á þessum mark­aði. Varan þeirra Qstack, sýnir ekki aðeins að þau geta skilað nýjum lausnum hratt, heldur jafn­framt að þau hafa áttað sig á því frá upp­hafi, að OpenStack mun ekki upp­fylla þær kröfur skýja­lausnar sem þarf til að geta þjónað upp­lýs­inga­tækni­deildum fyr­ir­tækja,“ segir Kelly í til­kynn­ingu.

Kelly Ireland er stofn­andi og fram­kvæmda­stjóri CB Technologies. Kelly hefur starfað í upp­lýs­inga­tækni­geir­anum síðan 1976 og starfað sem end­ur­sölu­að­ili síðan 1984. „Sam­fara ­miklum breyt­ingum í upp­lýs­inga­tækn­inni árið 2001, sá Kelly þörf á mark­aðnum fyr­ir­ virð­is­auk­andi end­ur­sölu­að­ila með nýja nálgun og stofn­aði í fram­hald­inu CB Technologies með­ breyttum áherslum en áður höfðu sést í þeim iðn­aði. CB Technologies var ekki aðeins stofnað til­ að bjóða uppá fjöl­breytt­ann stuðn­ing við við­skipta­vini félags­ins, heldur einnig til að bjóða upp­á­ ­starfs­manna­vænt umhverfi sem lagði áherslu á jafn­vægi milli vinnu og einka­lífs," segir í til­kynn­ingu.