Guð­mundur Stein­gríms­son, þing­maður og fyrr­ver­andi for­maður Bjartrar fram­tíð­ar, ætlar ekki að bjóða sig fram til Alþingis í haust. Frá þessu greindi hann á Face­book-­síðu sinni í morg­un. 

„Þetta er búinn að vera við­burð­ar­ríkur sprettur og ómet­an­leg reynsla að hafa gegn þing­mennsku á þessum krefj­andi árum frá hrun­i,“ skrifar Guð­mund­ur. „Ég er ánægður með það sem ég hef komið í verk. Von­andi ná sem flestar víð­sýn­ar, bjartar og frjáls­lyndar mann­eskjur kjöri á þing. Hug­sjónin lif­ir. Nú langar mig að fara að gera aðra hluti, beita mér á annan hátt. Takast á við nýjar áskor­an­ir. Það er hollt fyrir heil­ann að breyta til, segja þeir.“ 

Þar með er ljóst að helm­ingur þing­flokks Bjartrar fram­tíðar gefur ekki kost á sér fyrir flokk­inn í næstu kosn­ing­um. Þau Róbert Mars­hall, Bryn­hildur Pét­urs­dóttir og nú Guð­mundur Stein­gríms­son hafa öll ákveðið að hætta. Hinn helm­ing­ur­inn, for­mað­ur­inn Ótt­arr Proppé, Björt Ólafs­dóttir og Páll Valur Björns­son, ætla öll að gefa kost á sér áfram. Björt fram­tíð ætlar að stilla upp á lista fyrir kosn­ing­arn­ar. 

Guð­mundur tók fyrst sæti á Alþingi árið 2007, þá sem vara­þing­maður fyrir Sam­fylk­ing­una. Hann færði sig í Fram­sókn­ar­flokk­inn fyrir kosn­ing­arnar 2009 og var þing­maður fyrir Norð­vest­ur­kjör­dæmi á síð­asta kjör­tíma­bili. Hann sagði sig úr Fram­sókn­ar­flokknum og var þing­maður utan flokka undir lok þess kjör­tíma­bils, og stofn­aði svo ásamt fleirum Bjarta fram­tíð. Hann varð annar tveggja for­manna flokks­ins og fór á þing fyrir Suð­vest­ur­kjör­dæmi árið 2013.