Ill­ugi Gunn­ars­son, mennta- og menn­ing­ar­mála­ráð­herra og þing­maður Sjálf­stæð­is­flokks­ins, ætlar ekki að gefa kost á sér til áfram­hald­andi þing­setu. Þetta til­kynnti hann á Face­book-­síðu sinni fyrir skömmu. 

Ill­ugi seg­ist ætla að hætta í stjórn­mál­um, að minnsta kosti í bili. „Ég mun kveðja stjórn­málin sátt­ur, en vissu­lega með nokkrum sökn­uð­i. Um leið hlakka ég til að takast á við ný verk­efni, hver sem þau kunna að verða.“ 

Hann segir ákvörð­un­ina tekna eftir vand­lega yfir­legu. „Mat mitt er að ég standi nú á þeim tíma­mótum að annað hvort haldi ég áfram í stjórn­málum og geri þau að ævi­starfi, fái ég til þess stuðn­ing kjós­enda, eða snúi mér að öðrum verk­efn­um. Í ljósi þessa hef ég kom­ist að þeirri nið­ur­stöðu að um það bil 16 ára vera á sviði stjórn­mál­anna sé nægj­an­leg, a.m.k. að sinni og að skyn­sam­leg­ast og áhuga­verð­ast fyrir mig sé að leita nýrra áskor­anna á öðrum vett­vang­i.“ 

Ill­ugi var síð­asti sitj­andi þing­mað­ur­inn til að kynna áform sín um fram­hald­ið, eins kom fram í frétt Kjarn­ans í morgun. Fram­boðs­frestur í próf­kjöri Sjálf­stæð­is­flokks­ins í Reykja­vík­ur­kjör­dæm­unum tveimur rennur út í dag klukkan 16. 

Ill­ugi hefur verið alþing­is­maður frá árinu 2007, utan þess þegar hann fór í leyfi frá þing­störfum árið 2010 þegar rann­sókn­ar­nefnd Alþingis hafði vísað málum pen­inga­mark­aðs­sjóða til athug­unar hjá sér­stökum sak­sókn­ara. Ill­ugi sat í stjórn pen­inga­mark­aðs­sjóðs­ins Sjóður 9 fyrir hrun. Hann snéri aftur á þing haustið 2011 og varð svo mennta- og menn­ing­ar­mála­ráð­herra eftir kosn­ing­arnar 2013.