Fyr­ir­hugað afnám hafta breytir stöðu mála hér á landi, og opnar á víð­tæk­ari fjár­mála­þjón­ustu bæði hér á landi og erlend­is. Almenn­ingur getur brátt farið að stunda við­skipti með hluta­bréf erlendis í einka­bank­an­um, en bank­arnir vinna nú að því að und­ir­búa sig fyrir laga­breyt­ingar sem opna fyrir frek­ari gjald­eyr­is­við­skipti.

Burt með flug­mið­ana

Almenn­ingur mun fá að fjár­­­festa fyrir allt að 100 millj­­ónir króna erlendis í kjöl­far þess.

Þótt að í boð­uðum breyt­ingum á höft­unum felist aukið frelsi til fjár­­­magns­hreyf­­ingu til og frá land­inu þá verða höft ekki afn­um­in. Enn verða tak­­mark­­anir og Seðla­­banki Íslands mun áfram hafa ýmis tól til inn­­­grips telji hann þess þurfa.

Strax við gild­is­­töku lag­anna mun bein erlend fjár­­­fest­ing inn­­­lendra aðila verða ótak­­mörkuð en áfram háð stað­­fest­ingu Seðla­­banka Íslands. Fjár­­­fest­ing í fjár­­­mála­­gern­ingum upp að ákveð­inni upp­­hæð verður að mestu frjáls og ein­stak­l­ingar mega kaupa sér eina fast­­eign á ári erlendis sem má kosta hvað sem er. Þá verður dregið úr skila­­skyldu inn­­­lendra aðila á erlendum gjald­eyri og hún afnumin vegna lán­­töku ein­stak­l­inga hjá erlendum aðilum vegna kaupa á fast­­eign, far­ar­tæki eða fjár­­­fest­inga erlend­­is. Þá munu Íslend­ingar sem hyggja á ferða­lög erlendis ekki lengur þurfa að fram­vísa flug­­miða til að geta keypt gjald­eyri í banka. 

Nýlegar fréttir af auk­inni starf­semi íslenskra fjár­mála­fyr­ir­tækja erlend­is, sýna enn fremur að losun hafta fylgja tæki­færi. GAMMA fékk nýverið starfs­leyfi í Bret­landi, og sagði Gísli Hauks­son, for­stjóri og stofn­andi, að fyr­ir­tækið vildi styrkja þjón­ust­una og nýta tæki­færin sem fylgja losun hafta.

Þá til­kynnti verð­bréfa­fyr­ir­tækið Fossar mark­aðir hf.  að það hefði opnað skrif­stofu í Stokk­hólmi og ráðið Andra Guð­munds­son til að leiða upp­bygg­ingu félags­ins á Norð­ur­lönd­um.  Fossar mark­aðir hóf starf­semi fyrir ári síðan á inn­lendum mark­aði og er leið­andi í þjón­ustu við erlenda aðila á Ísland­i. 

„Við sjáum mikil tæki­færi í því að hefja starf­semi utan Íslands á þessum tíma­punkti. Stór skref í afnámi hafta eru handan við hornið og Ísland verður virk­ari þátt­tak­andi á alþjóð­legum fjár­mála­mörk­uð­u­m,“ segir Har­aldur I. Þórð­ar­son fram­kvæmda­stjóri félags­ins, Andri Guð­munds­son verður starf­andi fyrir Fossa í Sví­þjóð. „Í Stokk­hólmi munum við sinna bæði erlendum fjár­festum sem hyggja á fjár­fest­ingar á Íslandi og íslenskum fjár­festum og fyr­ir­tækjum sem hafa hug á að nýta þau fjöl­mörgu tæki­færi sem fylgja afnámi hafta,“  segir Andri Guð­munds­son sem er búsettur í Sví­þjóð og hefur verið í stjórn Fossa mark­aða á Íslandi.

Hvað ger­ist á hluta­bréfa­mark­aði?

For­vitni­legt verður að fylgj­ast með því hver áhrifin verða á verð­bréfa­mark­aði hér á landi, þegar opnað verður á fjár­fest­ingu erlend­is. Ekki er víst að líf­eyr­is­sjóð­irnir stökkvi til og selja hluta­bréf í inn­lendum hluta­bréf­um, en rýmkaðar heim­ildir til fjár­fest­inga erlendis gætu minnkað kaup­þrýst­ing í skráðum félög­um, og þannig dregið úr eft­ir­spurn eftir hluta­bréf­um.

Ótíma­bært er þó að full­yrða nokkuð um slíkt, enda erfitt að sjá fyr­ir­ hvernig fjár­festar hegða sínum fjár­fest­ingum á tímum breyt­inga. Losun hafta gæt­i opnað fyrir fjár­fest­ingar frá erlendum sjóð­um, sem hafa ekki haft heim­ildir til­ að fjár­festa í ríkjum sem eru með fjár­magns­höft.