Aðal­heiður Ámunda­dótt­ir, sem var fram­kvæmda­stjóri þing­flokks Pírata þorra þessa kjör­tíma­bils og var odd­viti flokks­ins í Norð­aust­ur­kjör­dæmi í síð­ustu kosn­ing­um, hefur sam­þykkt að ger­ast kosn­inga­stjóri Sig­ríðar Ingi­bjargar Inga­dótt­ur, þing­manns Sam­fylk­ing­ar, í flokksvali þess flokks sem er framund­an. Sig­ríður Ingi­björg sæk­ist eftir fyrsta sæti í flokksvali flokks­ins í Reykja­vík. Hún skip­aði efsta sæti fram­boðs­lista Sam­fylk­ing­ar­innar í Reykja­vík­ur­kjör­dæmi suður í kosn­ingum og hefur setið á þingi frá árinu 2009.

Aðal­heiður til­kynnti í júní að hún ætl­aði ekki fram fyrir hönd Pírata í kom­andi kosn­ingum og að hún myndi láta af störfum fyrir þing­flokk­inn. Í sam­tali við Eyj­una vegna þessa sagð­ist hún ein­fald­lega ekki hafa áhuga á póli­tík. Svo virð­ist sem henni hafi snú­ist hugur og sam­kvæmt stöðu­upp­færslu sem Aðal­heiður setti á Face­book í dag þá ætlar hún að stýra bar­áttu Sig­ríðar Ingi­bjargar fyrir því að leiða Sam­fylk­ing­una í Reykja­vík. Þar segir m.a.: „Ég hef að sjálf­sögðu skýrt málið fyrir fyrrum sam­starfs­fólki mínu í þing­flokki Pírata, enda þau öll góðir vinir mínir sem ég er alltaf í góðu sam­bandi við. Ég er Pírati og er skráð í Pírata. Ég er ekki skráð í Sam­fylk­ing­una. En ég elska Siggu og það sem hún stendur fyrir í póli­tík. Þess vegna legg ég henni lið. Ég vil að hún verði vel­ferð­ar­ráð­herra.“