Sam­an­tekt meiri­hluta fjár­laga­nefnd­ar, „Einka­væð­ing bank­anna hin síð­ari“ er ekki skýrsla í skiln­ingi þing­skapa, enda hefur hún ekki hlotið form­lega með­ferð í fjár­laga­nefnd.

Þetta sagði Einar K. Guð­finns­son, for­seti Alþing­is, á þing­fundi í dag. Hann seg­ist líta svo á að málið sé enn í umfjöllun fjár­laga­nefndar og hafi ekki verið afgreitt úr nefnd­inn­i. 

„Það er afstaða for­seta að sam­an­tekt sú, sem kynnt var í fjár­laga­nefnd og með frétta­mönnum í nafni meiri­hluta fjár­laga­nefnd­ar, Einka­væð­ing bank­anna hinna síð­ari, sé ekki skýrsla í skiln­ingi þing­skapa enda hefur sam­an­tektin ekki hlotið form­lega með­ferð í fjár­laga­nefnd í sam­ræmi við ákvæði þing­skapa. Ég lít því svo á að skýrslan sé enn til umfjöll­unar í fjár­laga­nefnd og hafi ekki hlotið afgreiðslu nefnd­ar­inn­ar.“ 

Miklar umræður hafa skap­ast um þessa yfir­lýs­ingu for­seta Alþingis í þing­sal. Stjórn­ar­and­stæð­ingar hafa kraf­ist þess að meiri­hluti fjár­laga­nefndar biðj­ist afsök­unar á mál­in­u. 

Eins og Kjarn­inn greindi frá fyrr í dag kemur til greina af hálfu Jóhann­esar Karls Sveins­sonar hæsta­rétt­ar­lög­manns að málið farið fyrir dóm­stóla vegna mjög alvar­legra æru­meið­inga á hendur honum og fleirum í skýrsl­unn­i.