Íslands­stofa, utan­rík­is­ráðu­neytið og Sam­tök atvinnu­lífs­ins eru að skoða að leggja fram kröfu um ó­gild­ing­u á skrán­ingu bresku mat­vöru­versl­ana­keðj­unn­ar Iceland á vöru­merk­inu Iceland í ríkjum innan Evr­ópu­sam­bands­ins. Þetta verður gert í sam­starfi fyrir fyr­ir­tækið Árna­son fakt­or, sem ­sér­hæfir ­sig í ráð­gjöf vegna vöru­merkja­skrán­ingar og hug­verka­rétt­inda. Frá þessu er greint í Frétta­blað­inu í dag. 

Fyrir rúmum ell­efu árum hafði Iceland-keðjan sent inn umsókn um skrán­ingu hjá bresku og ­evr­ópsku einka­leyf­is­stof­unni. Þá spurði Stein­grím­ur J. Sig­fús­son, þáver­andi for­maður Vinstri grænna, Geir H. Haarde, þá starf­andi utan­rík­is­ráð­herra, hvort hann ætl­aði að bregð­ast við mál­inu með ein­hverjum hætti.

Fyrir nokkrum árum kom slíkt til skoð­unar en þá var ákveðið að ráð­ast ekki í neinar aðgerð­ir. Nú á hins vegar að funda um það 28. sept­em­ber til að taka ákvarð­anir um hvort stigin verði frek­ari skref. 

Ástæðan er sú að Íslands­stofa hefur verið að skrá vöru­merk­ið Inspired by Iceland víða erlend­is. Í Frétta­blað­inu segir að það hafi almennt gengið vel, en þó hafi borist and­mæli þegar verið er að skrá vöru­merkið fyrir vöru­flokka sem skar­ast við þá vöru­flokka sem vöru­merki versl­ana­keðj­unn­ar Iceland er skráð fyr­ir.