Tvær stuðningssíður Sigmundar Davíðs skráðar hjá fjölmiðlafyrirtæki

Forystusíður
Auglýsing

Tvær vef­síður sem settar hafa verið upp til stuðn­ings Sig­mundi Davíð Gunn­laugs­syni, for­manni Fram­sókn­ar­flokks­ins, eru skráðar á fjöl­miðla­fyr­ir­tækið For­ystu ehf. sem rekur fjöl­mið­il­inn Vegg­ur­inn.is. Síð­urnar tvær, Islandi­allt.is og Panama­skjol­in.is, voru skráðar ann­ars vegar í lok júlí og hins vegar í lok ágúst. Önn­ur, Islandi­allt.is, birtir jákvæðar færslur um stjórn­mála­mann­inn Sig­mund Dav­íð. Á vefnum kemur fram að hann hafi verið „settur saman og rek­inn af hópi ein­stak­linga úr ýmsum áttum með ólíkar stjórn­mála­skoð­anir sem eiga það sam­eig­in­legt að vera stuðn­ings­menn Sig­mundar Dav­íðs Gunn­laugs­son­ar“.

Hin, Panama­skjol­in.is, fjallar um skýr­ingar Sig­mundar Dav­íðs og eig­in­konu hans, Önnu Sig­ur­laugu Páls­dótt­ur, á Wintris-­mál­inu svo­kall­aða. Á und­ir­síðu vefs­ins segir að um stað­reyndir um aðkomu Sig­mundar Dav­íðs að mál­inu sé að ræða. „Efni síð­unnar er unnið upp úr þeim upp­lýs­ingum sem fram hafa komið um málið und­an­farna mán­uði, bæði frá Sig­mundi og Önnu sjálf­um, frá skatt­yf­ir­völd­um, umboðs­manni Alþing­is, end­ur­skoð­end­um, fjöl­miðlum og fleiri aðil­um.

Efnið er sett fram í formi svara við algengum spurn­ingum í þeirri við­leitni að það reyn­ist ein­fald­ara aflestr­ar. Vefnum er við­haldið af stuðn­ings­mönnum Sig­mundar og Önn­u“.

Auglýsing

Mikið af því efni sem birt­ist um stjórn­mál á fjöl­miðl­inum Vegg­ur­inn.is er líka til stuðn­ings mál­staðar Sig­mundar Dav­íðs í Wintris-­mál­inu. Í nýlegum pistli sem birt­ist þar er til að mynda spurt hvers vegna kjós­endur ættu að verð­launa Fram­sókn­ar­flokk­inn fyrir að fella Sig­mund Dav­íð. Þeirri spurn­ingu er svarað með eft­ir­far­andi hætti: „And­skotar Sig­mundar Dav­íðs innan flokks vilja nefni­lega eiga heið­ur­inn af öllum afrekum hans und­an­farin ár en drepa hann sjálf­an. Þeir vilja eiga gróð­ann af afl­anum en fleygja skip­stjór­anum sem veiddi fyrir borð.“

Skráður fjöl­mið­ill

For­ysta ehf. er skráð fjöl­miðla­fyr­ir­tæki hjá Fjöl­miðla­nefnd vegna rekst­urs frétta­vefs­ins Vegg­ur­inn.is. Sá mið­ill hóf að birta fréttir í nóv­em­ber í fyrra og hefur þá rit­stjórn­ar­stefnu „að miðla fréttum í þeim til­gangi að upp­lýsa og fræða.“ 

Rit­stjóri Veggs­ins er Viðar Garð­ars­son,  við­­skipta­fræð­ingur og mark­aðs­ráð­gjafi, og hann er einnig skráður ábyrgð­ar­maður For­ystu ehf. á heima­síðu fjöl­miðla­nefnd­ar. Eig­andi félags­ins er hins vegar Ólöf Sig­ur­geirs­dótt­ir, eig­in­kona Við­ars. Ekki kemur fram á síð­unum Íslandi­allt.is og Panama­skjol­in.is hverjir það eru sem setji efni inn á þær síður eða hver ábyrgð­ar­maður þeirra er.

Viðar komst í frétt­irnar í des­em­ber á síð­asta ári vegna ráð­gjafa­starfa sinna fyrir Norð­urál. Mikil átök stóðu þá yfir vegna end­ur­samn­inga­við­ræðna Lands­virkj­unar og fyr­ir­tæk­is­ins en orku­sölu­samn­ingur til álvers­ins í Grund­ar­tanga átti að renna út 2019. Lands­virkjun vildi hækka verð­ið, enda var gild­andi samn­ingur einn sá hag­stæð­asti fyrir orku­kaup­anda í stór­iðju sem gerður hefur verið hér­lend­is.

Ráð­gjafar Norð­ur­áls

17. des­em­ber boð­aði Hörður Arn­ar­son, for­stjóri Lands­virkj­un­ar, til blaða­manna­fundar og kom þess­ari skoðun mjög skýrt á fram­færi. Í máli hans kom einnig fram að hann teldi Norð­­ur­ál, og eig­end­ur þess, vera að beita öllum mög­u­­legum með­­ulum til að halda verð­inu til sín sem lægstu.

Aðspurður um hvað það væru sem stjórn­­endur Norð­­ur­áls væri að ­gera sagði Hörður það vera ljóst, og full­kom­­lega eðli­­legt, að þeir færu víða í sam­­fé­lag­inu til að koma sjón­­­ar­miðum sínum á fram­­færi. Auk þess sagði Hörð­­ur: „Það er hins vegar alveg rétt að það hafa komið upp hópar manna sem hafa áður ekki ­tengst orku­um­ræðu inn í umræð­una. Þeir hafa verið kynntir í við­­tölum sem ráð­gjafar Norð­­ur­áls.“

Þessi hópur sem Hörður talar um var leiddur af Viðar Garð­­ar­s­­syni, sem hafði blandað sér­ af miklu afli í umræður um orku­­mál vik­urnar á und­an. Viðar var meðal ann­ars á meðal þeirra sem héldu úti vett­vangnum „Auð­lind­­irnar okk­­ar“ á Face­book og skrif­aði pistla á mbl.is um orku­mál. Fjöl­mið­ill­inn Vegg­ur­inn sem hann rit­stýrir var þá einnig nýbyrj­aður göngu sína.  

Í skrifum Við­­ars og ann­­arra á þessum síðum var talað fyrir lægra orku­verði til stór­iðju, lengri orku­­sölu­­samn­ingum og gegn lagn­ingu sæstrengs til­ Bret­lands. Þá var Viðar til við­tals í fréttum Stöðvar 2 í byrjun des­em­ber 2015. Í kynn­ingu þeirrar fréttar kom fram að Viðar hafi unnið fyrir Norð­­urál. Í þeirri frétt sagði Viðar að hótun Rio Tinto um að loka álver­inu í Straum­s­vík hafi verið sett fram vegna þungs rekst­­urs, sem megi rekja til of hás orku­verðs.

Greta Thunberg biðlar til þingmanna að vera í liði með vísindum
Greta Thunberg heimsótti franska þingið í morgun. Hún biðlaði til þingmanna að hlusta á vísindi og láta börn ekki ein bera ábyrgðina á því að breyta stefnum ríkja í loftslagsmálum.
Kjarninn 23. júlí 2019
Vinna að viðbragðsáætlun í kringum leikskóla á „gráum dögum“
Reykjavíkurborg vinnur nú að viðbragðsáætlun til að auka loftgæði í kringum leik- og grunnskóla í borginni. Áætlunin byggir á tillögu frá fjórum umhverfisverndarsamtökum sem leggja til að ökutæki verði ekki leyfð í kringum leikskóla á ákveðnum tímum.
Kjarninn 23. júlí 2019
Ró­bert Wessman
Ró­bert Wessman í stjórn jap­anska lyfja­fyr­ir­tæk­is­ins Fuji Pharma
For­stjóri Al­vo­gen og stjórn­ar­formaður Al­votech var í vik­unni kos­inn í stjórn jap­anska lyfja­fyr­ir­tæk­is­ins Fuji Pharma en fyrirtækið keypti 4,6 pró­sent eign­ar­hlut í Alvot­ech fyrir síðustu áramót.
Kjarninn 23. júlí 2019
Dagur Bollason
Útþenslu höfuðborgarsvæðisins er langt því frá lokið
Kjarninn 23. júlí 2019
Kristbjörn Árnason
Kemur engum á óvart
Leslistinn 23. júlí 2019
Hundruð þúsunda mótmæla í Púertó Ríkó
Mótmælin hafa staðið yfir í rúmlega viku og beindust í fyrstu að ríkisstjóra Púertó Ríkó í kjölfar uppljóstrunar afar ósmekklegra samskipta hans við vini og samstarfsmenn.
Kjarninn 23. júlí 2019
Trump segir Boris munu verða frábæran forsætisráðherra
Forseti Bandaríkjanna óskaði Boris Johnson til hamingju með kjörið sem næsti forsætisráðherra Bretlands. Trump og Johnson hafa lengi átt í vinalegum samskiptum.
Kjarninn 23. júlí 2019
Jeremy Corbyn
Corbyn telur að Bretar eigi að velja forsætisráðherrann
Formaður Verkamannaflokksins í Bretlandi segir að Boris Johnson hafi ekki unnið sér inn stuðning landa sinna og að Bretar eigi að kjósa um hver verði forsætisráðherra landsins.
Kjarninn 23. júlí 2019
Meira úr sama flokkiInnlent
None