Don­ald Trump, for­seta­fram­bjóð­andi Repúblikana­flokks­ins í Banda­ríkj­un­um, hefur beðist afsök­unar á ummælum sem hann lét falla um konur og náð­ust á upp­töku. Upp­takan er frá árinu 2005 en var birt á vef Was­hington Post í gær. 

Á upp­tök­unni heyr­ist Trump monta sig af því að kyssa, káfa á og reyna að sænga hjá kon­um, og sagði meðal ann­ars að þegar menn væru frægir eins og hann kæmust þeir upp með það. Hann talar um að hann lað­ist sjálf­krafa að fal­legum konum og byrji bara að kyssa þær. „Og þegar þú ert stjarna, þá leyfa þær þér það. Þú getur gert hvað sem er...­gripið í pík­una á þeim. Þú getur gert hvað sem er.“ 

Hann hefur verið gagn­rýndur harð­lega, bæði meðal Demókrata og Repúblik­ana. 

„Ég sagði þetta, ég hafði rangt fyrir mér og ég biðst afsök­un­ar,“ sagði Trump í óvenju­legu mynd­bandsávarpi sem hann birti í nótt að íslenskum tíma, og má sjá hér að neð­an. Hann sagði þó að málið væri að dreifa athygl­inni frá þeim mik­il­vægu málum sem við væri að etja. Það væri líka mik­ill munur á milli orða og gjörða og Bill Clinton hafi mis­notað kon­ur. Þetta hygð­ist hann ræða frekar á næstu dög­um.