Fram­bjóð­andi Demókrata, Hill­ary Clint­on, og fram­bjóð­andi Repúblikana, Don­ald J. Trump, eyða loka­sprett­inum í kosn­inga­bar­átt­unni í að fá fólk til þess að mæta á kjör­stað. Búist er að við því að kosn­inga­þátt­taka geti ráðið úrslitum um það hvor muni sigra í kosn­ing­un­um, en Trump hefur sótt veru­lega í sig veðrið að und­an­förnu, í könn­un­um, eftir að hafa verið tölu­vert á eftir Hill­ary.

Hill­ary hefur komið fram á fjölda úti­funda þar sem tón­list­ar­fólk hefur stutt hana, meðal ann­ars söng­konan Beyoncé og maður henn­ar, rapp­ar­inn Jay Z. 

Trump var í New Hamps­hire í gær, þar sem hann ræddi meðal ann­ars um inn­flytj­enda­mál. Hann sagði Hill­ary vera með „von­lausa áætl­un“ og að hún myndi búa til margar kyn­slóðir af hryðju­verka­mönn­um. „Hún vill fjölga flótta­mönnum frá Sýr­landi um 550 pró­sent,“ sagði Trump og ítrek­aði að þetta myndi „smita“ sam­fé­lögin með hryðju­verkaógn.

Hill­ary hefur fyrst og síð­ast talað fyrir því, að fólki mæti á kjör­stað og kjósi. Hún sagð­ist í fundi í Ohio, ekki geta hugsað til þess hvernig fólkið muni taka því að vera með for­seta eins og Trump. „Við getum ekki látið það ger­ast og ég óska eftir stuðn­ingi ykk­ar,“ sagði Hill­ar­y. 

Vef­ur­inn FiveT­hir­tyEight, sem reiknar út stöð­una í Banda­ríkj­unum með því að taka saman gögn úr könn­unum víða að, segir Hill­ary nú vera með 48,5 pró­sent fylgi en Trump 45,7. Sig­ur­lík­urnar eru þó meiri hjá Hill­ary, eða 64,3 pró­sent eins og mál standa nú, þegar þrír dagar eru til kosn­inga.