Stýri­vextir Seðla­banka Íslands verða óbreyttir áfram í 5,25 pró­sent­um. Þetta kemur fram í til­kynn­ingu pen­inga­stefnu­nefndar bank­ans frá því í morg­un. 

Sam­kvæmt nýrri verð­bólgu­spá bank­ans er útlit fyrir að verð­bólga verði undir mark­miði fram á mitt næsta ár, en verði svo 2,5 til 3 pró­sent eftir það. Verð­bólgan mæld­ist 1,8% í októ­ber og hefur nú hald­ist undir mark­miði í tæp­lega þrjú ár, „þrátt fyrir miklar launa­hækk­anir og öran vöxt eft­ir­spurn­ar. Við­skipta­kjara­bati, lítil alþjóð­leg verð­bólga og hækkun gengis krón­unnar hafa vegið á móti áhrifum launa­hækk­ana á verð­bólg­u.“ 

Verð­bólgu­spáin er tölu­vert breytt frá fyrri spá, en það skýrist að miklu leyti af því að gengi krón­unnar er spáð en ekki gert ráð fyrir að það hald­ist óbreytt allt tíma­bilið sem skoðað er. Verð­bólgu­horfur hafa batn­að, einkum til skemmri tíma. Engu að síður er ekki eins mikið til­efni til að bregð­ast við að mati pen­inga­stefnu­nefndar eins og ætla mætti, „vegna þess að pen­inga­stefnu­nefnd hefur byggt ákvarð­anir sínar að und­an­förnu á mati sem tók til­lit til þess að tölu­verðar líkur voru á hækkun gengis krón­unn­ar.“ 

Ákvörð­unin er byggð á verð­bólgu­spánni og áhættu­mati. Pen­inga­stefnu­nefnd nefnir sér­stak­lega óvissu um stefnu í rík­is­fjár­mál­um, þar sem aðhald hennar hafi slaknað nokkuð und­an­farin tvö ár og óljóst sé hver efna­hags­stefna næstu rík­is­stjórnar verði. „ Þá gætir óróa á vinnu­mark­aði, ekki síst í kjöl­far nýlegs úrskurðar um hækkun launa þjóð­kjör­inna full­trúa. Að auki gætir áfram óvissu um áhrif los­unar fjár­magns­hafta, en vel hefur gengið fram til þessa. Við bæt­ist óvissa um alþjóð­legar efna­hags­horf­ur.“ 

Kröft­ugur vöxtur eft­ir­spurnar og ofan­greindir óvissu­þættir á var­kárni við ákvörðun vaxta, þótt kjöl­festa verð­bólgu­vænt­inga við mark­miðið virð­ist vera að styrkj­ast og aðhald pen­inga­stefn­unnar hafi að hluta auk­ist í gegnum hærra gengi krón­unn­ar, segir nefnd­in. 

Þá kemur einnig fram í yfir­lýs­ingu pen­inga­stefnu­nefndar að Seðla­bank­inn hafi und­an­farna mán­uði keypt hlut­falls­lega minna af gjald­eyr­is­inn­streym­inu en hann gerði fyrr á þessu ári. Nefndin telur rétt að halda áfram á þeirri braut að óbreyttu.