Í við­ræðum Vinstri grænna, Pírata, Bjartrar fram­tíð­ar, Við­reisnar og Sam­fylk­ing­ar­innar um myndun nýrrar rík­is­stjórnar hafa ekki komið upp sýni­leg vanda­mál sem eigi að koma í veg fyrir að flokk­arnir fimm nái sam­stöðu um Evr­ópu-, sjáv­ar­út­vegs- og stjórn­ar­skrár­mál. Þó á eftir að útfæra stefnu í öllum þessum mála­flokkum og því gæti sú staða breyst, sér­stak­lega hvað varðar sjáv­ar­út­vegs­mál. Heim­ildir Kjarn­ans herma að erf­ið­ast sé talið að ná saman um rík­is­fjár­mála­stefnu, þar á meðal skatta­mál. Þar sé mesta bilið milli Vinstri grænna ann­ars vegar og Við­reisnar hins veg­ar. Við­reisn vill ein­falda skatt­kerf­ið, inn­leiða reglur um hámarks­aukn­ingu rík­is­út­gjalda á ári og stunda öguð rík­is­fjár­mál á meðan að Vinstri græn leggja mikla áherslu á að auka félags­legan jöfnuð í gegnum skatt­kerfið og með auknum útgjöldum til vel­ferð­ar­mála.

Þegar ákveðið var að for­svars­menn flokk­anna fimm myndu hitt­ast um helg­ina til að kanna grund­völl fyrir stjórn­ar­myndun láu fyrir aug­ljósir átaka­punkt­ar. Þeir helstu voru auð­linda­mál, skatta­mál og stjórn­ar­skrár­mál auk þess sem ekki lá skýrt fyrir hvort sátt væri um að setja spurn­ing­una um áfram­hald­andi við­ræður um aðild að Evr­ópu­sam­band­inu í þjóð­ar­at­kvæða­greiðslu. Sam­kvæmt heim­ildum Kjarn­ans gekk vel að ræða þessi mál á fundi flokk­anna fimm á laug­ar­dag, sem alls 15 manns tóku þátt í. Þ.e. þrír frá hverjum flokki.

Í gær fund­aði svo Katrín Jak­obs­dótt­ir, for­maður Vinstri grænna og verð­andi for­sæt­is­ráð­herra gangi form­legar við­ræður eft­ir, með for­svars­mönnum Pírata, Bjartrar fram­tíð­ar, Við­reisnar og Sam­fylk­ingar til þar sem farið var yfir mögu­legt verk­lag ef af form­legum við­ræðum yrði.

Í kjöl­far fund­ar­ins fór hver for­svars­maður til fundar við sinn þing­flokk þar sem ákvörðun var tekin um hvort að hefja ætti form­legar við­ræð­ur. Klukkan 18 í gær var svo send út til­kynn­ing um að flokk­arnir fimm ætl­uðu að hefja slík­ar.