Katrín Jak­obs­dótt­ir, for­maður Vinstri­hreyf­ing­ar­innar – græns fram­boðs, segir að áherslur VG í skatta­málum eigi ekki að koma neinum á óvart. 

„Við lof­um nefni­lega ekki auknum útgjöldum í heil­brigð­is­þjón­ustu og skóla­málum (sem allir segj­ast vilja) nema við teljum að við getum aflað tekna á móti og að þeirra tekna sé aflað með rétt­látum hætti. Að sjálf­sögðu er þetta vinstrisinnuð stefna en það er nú ekki hægt að saka okkur um að hafa siglt undir fölsku flaggi í þeim efn­um,“ segir Katrín í færslu á Face­book-­síðu sinni í dag. 

Katrín segir að ein­hverjir séu nú að „missa sig vegna umræðna um skatta­mál.“ Fjallað var um það bæði í Frétta­blað­inu og Morg­un­blað­inu í morgun að mis­mun­andi skatta­stefnur séu eitt helsta ágrein­ings­málið í við­ræðum flokk­anna fimm sem nú eiga í form­legum stjórn­ar­mynd­un­ar­við­ræð­u­m. 

„Því er rétt að benda á að Vinstri græn hafa lagt þunga áherslu á það að farið verði í kerf­is­breyt­ingar sem miða að því að auka jöfnuð og draga úr mis­skipt­ingu í sam­fé­lag­inu. Í því felst að sótt verði fram í heil­brigð­is-, mennta- og vel­ferð­ar­málum sam­hliða umbótum í skatta­málum sem ann­ars vegar miða að því að fjár­magna þessa sókn og hins vegar að því að velta skatt­byrði af lág- og milli­tekju­hópum yfir á hátekju­hópa,“ skrifar Katrín. 

Hún segir að til þess að hægt verði að ráð­ast í nauð­syn­legar aðgerðir í heil­brigð­is- og mennta­málum og leið­rétta kjör aldr­aðra og öryrkja, þurfi rík­is­stjóður auknar tekj­ur. „Þessar tekjur viljum við tryggja með því að taka á skattsvikum sem var­lega eru áætluð um 80 millj­arðar á ári, með því að tryggja auknar tekjur af nýt­ingu sam­eig­in­legra auð­linda þjóð­ar­innar og kanna mögu­leika á því að skatt­leggja fjár­magnið sem þar er að finna. Þetta þýðir kerf­is­breyt­ingar í skatta­málum sem færa skatt­byrði af lág- og milli­tekju­hópum yfir á hátekju­hópa. Þannig aukum við jöfnuð og tryggjum að allir njóti þeirrar upp­sveiflu sem er í efna­hags­líf­in­u.“