Utan­rík­is­ráðu­neytið hefur ákveðið að grípa til laga­legra aðgerða gegn bresku versl­un­ar­keðj­unni Iceland Foods. Ráðu­neytið segir að breska keðjan hafi um ára­bil beitt sér gegn því að íslensk fyr­ir­tæki geti auð­kennt sig með upp­runa­land­inu við mark­aðs­setn­ingu í Evr­ópu á vörum sínum og þjón­ust­u. 

Breska keðjan hefur einka­rétt á ICELAND í öllum ríkjum Evr­ópu­sam­bands­ins, sam­kvæmt ákvörðun þeirrar stofn­unar innan ESB sem ann­ast vöru­merkja­skrán­ing­ar. Íslensk stjórn­völd ætla að krefj­ast þess að einka­leyfið verði ógilt, enda sé það of víð­tækt og komi í veg fyrir að íslenskir aðilar geti vísað til land­fræði­legs upp­runa síns. 

Versl­un­ar­keðjan hefur ítrekað kvartað til evr­ópskra yfir­valda yfir íslenskum aðilum sem nota orðið ICELAND sem hluta af vöru­merki sínu, segir í til­kynn­ingu frá ráðu­neyt­inu. Aðgerðir versl­un­ar­keðj­unnar hafa meðal ann­ars bitnað á mark­aðsátak­inu Inspired by Iceland, en undir þeim hatti hefur Ísland verið mark­aðs­sett sem spenn­andi áfanga­staður fyrir ferða­menn.