Umræður um fjár­laga­frum­varpið fyrir næsta ár voru tals­vert styttri við fyrstu umræðu en hefur tíðkast und­an­farin ár. Þing­menn ræddu fjár­laga­frum­varpið í ríf­lega fimm klukku­stundir og tutt­ugu mín­útur áður en frum­varp­inu var vísað til umfjöll­unar í fjár­laga­nefnd, þar sem það er nú. 

Sextán þing­menn héldu ræður við fyrstu umræðu fjár­laga­frum­varps­ins fyrir utan Bjarna Bene­dikts­son fjár­mála­ráð­herra, sem er líka heldur minna en oft áður. 

Til sam­an­burðar voru voru umræð­urnar aldrei undir sextán klukku­tímum í fyrstu umræðu á síð­asta kjör­tíma­bili, og á kjör­tíma­bil­inu þar á undan fór einnig yfir­leitt miklu lengri tími í umræður um fjár­lög en nú var. 

Aðstæður eru óvenju­legar í þing­inu nú um stund­ir, eins og hefur verið marg­ít­rek­að, og lík­legt að það hafi haft þessi áhrif á lengd umræðu­tím­ans, þar sem ráð­herr­ann sem leggur fram frum­varpið hefur ekki meiri­hluta á bak við sig, og að sama skapi ekki ljóst hvaða flokkar koma til með að mynda rík­is­stjórn. 

Fjár­laga­nefnd og efna­hags- og við­skipta­nefnd eru nú með fjár­laga­frum­varpið og ýmsar for­sendur fjár­laga­frum­varps­ins til umfjöll­un­ar. Frestur til að skila athuga­semdum er út dag­inn á morg­un.