Íslands­banki mun greiða 27 millj­arða í arð­greiðslur til rík­is­ins, en þetta var ákveðið á sér­stökum hlut­hafa­fundi sem hald­inn var í dag. Arð­ur­inn verður greiddur út fyrir árs­lok. 

Almennt við­mið Íslands­banka er að greiða fjöru­tíu til fimm­tíu pró­sent af hagn­aði í arð. Í apríl voru greiddir tíu millj­arðar króna í arð til hlut­hafa, sem sam­svarar fimm­tíu pró­sentum af hagn­aði síð­asta árs. Þá fékk stjórn bank­ans heim­ild til að kalla til sér­staks hlut­hafa­fundar síðar á árinu til að leggja mögu­lega fram til­lögu um arð af hagn­aði fyrri rekstr­ar­ára, líkt og gert var í dag. 

Því mun bank­inn greiða 37 millj­arða króna í arð til rík­is­ins á þessu ári. 

Í til­kynn­ingu frá bank­anum kemur fram að mikil end­ur­skipu­lagn­ing hafi átt sér stað á eigna­hlut efna­hags­reikn­ings bank­ans. End­ur­skipu­lagn­ingu á lána­safni sé lok­ið, van­skila­hlut­fall fari lækk­andi og hverf­andi hluti end­ur­skipu­lagðra lána fer aftur í van­skil. Staðan sé þannig að bank­inn sé meðal 25% evr­ópskra banka sem hafi hvað lægst van­skila­hlut­föll. 

Nú sé búið að stíga stórt skref í átt að eðli­legri fjár­magns­skipan á skulda­hlið efna­hags­reikn­ings bank­ans. Bank­inn hafi við­haldið öfl­ugum eig­in­fjár- og lausa­fjár­hlut­föllum til að takast á við mögu­leg áhrif vegna aflétt­ingar hafta og áföllum í rekstr­ar­um­hverf­i. 

Eig­in­fjár­hlut­fall bank­ans verður 24% eftir arð­greiðsl­una. Mark­miðið hjá Íslands­banka er að hafa hlut­fallið yfir 23%, en eig­in­fjár­krafa Fjár­mála­eft­ir­lits­ins er 19%.