#efnahagsmál#heilbrigðismál

Tóbaksgjald á neftóbak hækkað – Skilar hálfum milljarði í tekjur



Meiri­hluti efna­hags-og við­skipta­nefndar hefur lagt til að tóbaks­gjald verði hækkað með þeim hætti að tekjur rík­is­sjóðs vegna þess auk­ist um hálfan millj­arð króna. Hækk­unin eru umtals­vert meiri en gert var ráð fyrir í upp­haf­legu fjár­laga­frum­varpi. 

Fimm flokkar standa að meiri­hluta­á­lit­inu: Sjálf­stæð­is­flokk­ur, Fram­sókn­ar­flokk­ur, Við­reisn, Björt fram­tíð og Pírat­ar. Smári McCart­hy, nefnd­ar­maður Pírata, og Björt Ólafs­dótt­ir, þing­maður Bjartrar fram­tíð­ar, skrif­uðu undir álitið með fyr­ir­vara. Í áliti meiri­hlut­ans seg­ir: „ Stjórn­völd hafa um langa hríð unnið að því mark­miði að draga úr heilsutjóni og dauðs­föll­um af völdum tóbaks með því m.a. að hvetja til minni tóbaksneyslu almenn­ings. Þá standa lýð­heilsu-, jafn­ræð­is- og sam­keppn­is­rök til þess að mis­ræmi gjalds miðað við hvert gramm tóbaks verði leið­rétt. Því er lagt til að tóbaks­gjald á hvert gramm nef­tó­baks og ann­ars tóbaks verði hækkað umtals­vert meira en gert var ráð fyrir í frum­varp­inu. Gera má ráð fyrir að hækk­unin hafi allt að 500 millj. kr. jákvæð áhrif á afkomu rík­is­sjóðs á árinu 2017. Þá mun hún hafa áhrif til hækk­unar á vísi­tölu neyslu­verðs sem nemur um 0,053 pró­sent.“ 

Auglýsing

Farið eftir umsögn stjórn­enda ÁTVR

Hækk­unin á tóbaks­gjald­inu er í sam­ræmi umsögn sem stjórn­endur ÁTVR skil­uðu inn til nefnd­ar­inn­ar. Þar kom fram að ÁTVR vill að ríkið hækki tóbaks­­­gjald á nef­tó­bak og annað tóbak um 55,2-69 pró­sent. Til­­­gang­­ur­inn væri að sam­ræma tóbaks­­gjald, en í núgild­andi lögum sé það svo að nef­tó­bak og annað tóbak beri tals­vert lægra tóbaks­­­gjald en sígar­ettur og vind­l­ing­­ar. Það hafi verið umtals­vert mis­­ræmi í gjald­­töku eftir tóbak­s­teg­undum allt frá því að tóbaks­­gjaldið var tekið upp árið 2001. 

Aldrei hefur eins mikið selst af nef­tó­baki og í fyrra, þegar 36,1 tonn af tóbak­inu voru seld. Nú verður það met slegið á nýjan leik, því gert er ráð fyrir að 40,1 tonn selj­ist á þessu ári. Nef­tó­baks­­salan er arð­­bær og ÁTVR fékk 748 millj­­ónir í kass­ann án virð­is­auka­skatts í fyrra. Tekj­­urnar af söl­unni hafa auk­ist veru­­lega, en þær juk­ust um 30 pró­sent á tveimur árum til árs­ins 2016. 

Árið 2000 seld­ust ríf­­lega 10 tonn af nef­tó­baki, en síðan þá hefur salan auk­ist jafnt og þétt. Eina und­an­­tekn­ingin er að salan minn­k­aði árin 2012 og 2013 áður en hún jókst á ný. ÁTVR segir að salan hafi dreg­ist lít­il­­lega saman þessi ár eftir að tóbaks­­­gjald á nef­tó­bak var tvö­­fald­að. Salan fór niður í 27,6 tonn árið 2013 en hefur svo auk­ist mikið á ný. Í fyrra voru 36,1 tonn seld af tóbak­inu og í ár er sem fyrr segir gert ráð fyrir að salan fari yfir 40 tonn. 

Í umsögn frá Ívari J. Arndal, for­­stjóra ÁTVR, kemur fram að kann­­anir sýni að það tóbak sem selt er og mark­aðs­­sett sem nef­tó­bak á Íslandi er í yfir­­­gnæf­andi meiri­hluta til­­vika tekið í munn og not­endur þess séu að stórum hluta ungt fólk og nýir tóbaks­­­neyt­end­­ur. „Rétt er að benda á að ÁTVR treystir sér ekki lengur til þess að greina á milli munn­tó­baks og nef­tó­baks og hefur leitað leið­bein­inga hjá heil­brigð­is­ráðu­­neyt­inu um hvernig skuli greina á milli nef­tó­baks og munn­tó­baks. Önnur varan er lög­­­leg á Íslandi, hin ólög­­leg.“ 

Viltu styrkja sjálfstæða íslenska fjölmiðlun?
Lesendur Kjarnans geta kosið að greiða fast mánaðarlegt framlag til fjölmiðilsins til að efla starfsemi hans enn frekar. Markmiðið er upplýstari, gagnrýnni og málefnalegri umræða. Hjálpið okkur við að ná því markmiði með því að ganga til liðs við Kjarnasamfélagið.
Frá blaðamannafundinum í gær. Stefan Löfven, forsætisráðherra Svíþjóðar, er þriðji frá vinstri.
Sænska ríkisstjórnin í kröppum dansi
Ráðherrar innan sænsku ríkisstjórnarinnar hafa sætt harðri gagnrýni vegna aðgerðarleysi þrátt fyrir vitneskju um alvarleg brot á persónuverndarlögum.
25. júlí 2017
Chuck Schumer er leiðtogi demókrata á bandaríska þinginu.
Spáir því að flokkurinn snúist gegn Trump
Leiðtogi demókrata segist trúa því að þingmenn repúblikana muni ekki sitja hjá ef Trump náðar sjálfan sig eða fjölskyldu sína.
25. júlí 2017
Morðtíðni hefur aukist mikið í Mexíkó undanfarin misseri vegna innbyrðis átaka glæpagengja. Hér sjást íbúar smábæjar í landinu hylja andlit sín og undirbúa sig undir komu glæpagengis.
Þrjú morð á klukkustund: Eiturlyfjastríðið í Mexíkó verður blóðugra
Fleiri og smærri glæpagengi, aukin eftirspurn eftir ópíum og ríkisstjórabreytingar skýra meðal annars þriðjungs aukningu í fjölda morða í Mexíkó. Oddur Stefánsson fjallar um eiturlyfjastríðið.
24. júlí 2017
Alexis Tsipras, forsætisráðherra Grikklands, til hægri.
Grikkir gefa út skuldabréf að nýju
Grísk stjórnvöld tilkynntu að ríkisskuldabréf þeirra verði gefin út á morgun, í fyrsta skiptið í þrjú ár.
24. júlí 2017
Sérfræðingar eru áhyggjufullir yfir stöðu Bretlands
Bretland sé að verða „veiki maðurinn í Evrópu“
Efnahagshorfur hafa versnað í Bretlandi og Bandaríkjunum um leið og þær hafa batnað á Evrusvæðinu, samkvæmt nýrri skýrslu AGS.
24. júlí 2017
Svona lítur borðspilið út
Borðspil sem reynir á bragðlaukana
Nýtt borðspil úr smiðju Eggerts Ragnarssonar og konu hans Amanda Tyahur hefur litið dagsins ljós, en í því er keppt um þekkingu á mat og matarmenningu.
24. júlí 2017
Jared Kushner er einn helsti ráðgjafi Donalds Trump, forseta Bandaríkjanna. Kushner er giftur Ivönku Trump.
Segist ekki hafa verið í leynimakki með neinum
Tengdasonur og helsti ráðgjafi forseta Bandaríkjanna kemur fyrir þingnefnd bandaríska þingsins í dag.
24. júlí 2017
Björgvin Ingi Ólafsson
Er vit í að Ísland losni alveg við seðla og klink?
24. júlí 2017
Meira úr sama flokkiInnlent
None